串カツ専門店

Open Now

Now Closed

掛住日本嘅除左刺身之外，仲有串串香口炸串同牛腸鍋！今日去居酒屋居然我遇到，即刻同朋友係咁叫！見推廣緊枝豆菜式，做炸魚餅應該唔錯，果然魚餅炸得香口，加上枝豆有咬口，好襯！另外海鮮沙律好開胃口，有好多魚生粒，最緊要係個沙律醬酸甜酸甜好開胃！難得有炸串食當然不能放過，蔬菜海鮮肉類樣樣都要試吓！蠔肉有煙肉包住，鹹香煙肉滲出好肉鮮甜味超讚！另外帶子炸串非常鮮甜，又夠大隻，食得好滿足！另外推薦豬腩肉炸流心蛋，咬落腩肉油香溢出，蛋黃香味非常突出，仲有大蝦同蘆筍，一款鮮味十足，另一款夠晒清甜，每款炸串外層都非常薄脆，個人鐘意肉類點黃豆醬，更能吊出肉香味！另外點上鹽味牛腸鍋，牛腸肥美爽彈，鹽味湯底加上明太子帶出鹹香味道，配上檸檬片再多一陣清新香味，食完揸車啖湯飲落好舒服！不過注意牛腸真係唔能夠煮太耐，如果唔係就真係咬唔開！呢度食物幾有水準，而且氣氛好好，成晚食得好開心！