川味閣 (Closed)

又話紅薯粉專門店，點知出黎嘅係水晶薯粉，食過正宗酸辣粉都知酸辣粉應該係紅薯粉，而唔係水晶薯粉.我買之前已經問清楚佢，你哋係咪真係紅薯粉黎而唔係水晶薯粉，點知商家仲要好串咁講，我地專門店黎架，唔知你講咩水晶薯粉喎，仲要話自己係四川人喎，乜你連紅薯粉同埋水晶薯粉都分唔出？扮傻？點知出到黎嘅就係根本係水晶粉，既然係咁，點解唔同我講左先？上網都有得睇啦，兩隻粉係有分別架喎，仲要水晶薯粉係平過紅薯粉，呢個行為擺到明掛羊頭賣狗肉！真係好過份。我宜家成碗一啖都食唔落，抌左，自己煲粥食成碗野仲要賣相極差。如果我早知佢個粉係呢啲水晶粉，我真係唔會買，衰在我冇預先上網睇佢啲相先！