探花 (Closed)

朋友鐘意食中菜，之前喺銅鑼灣經過間裝修幾靚嘅地鋪，呢日專誠嚟試下！果然有驚喜！✨話梅車厘茄 $58前菜點咗話梅車厘茄，賣相精緻，用金邊玻璃雪糕杯上菜，面頭灑上桂花。車厘茄已去皮，真係心機菜式，再用話梅汁浸左一晚，入口爆汁，味道酸酸甜甜，帶有微微嘅桂花清香，好開胃！✨青森蘋果叉燒酥 $48外層青色酥皮好sharp，蘋果造型可愛，食落鬆化香脆，內裡有清甜嘅蘋果蓉，包住蜜味叉燒粒，味道有層次。✨紅蝦多士 $78多士厚薄適中，炸到金黃脆卜卜，好香口，上面嘅蝦肉大大隻，肉質結實彈牙，非常鮮味；伴碟嘅醬汁亦係心機之作，用蝦頭淆制，蝦味香濃，更有提升鮮味之用。✨酸辣土豆絲 $88土豆絲炒得火喉剛剛好，土豆絲粗幼均勻，炒得乾身，味道酸辣可口，質感又爽又脆，越食越上癮！✨拔絲咕嚕肉 $158咕嚕肉無骨啖啖肉，好正！外層脆脆地，酸甜咕嚕汁完整包住每粒咕嚕肉，一啖一粒！✨紅米腸粉 $88腸粉煙煙韌韌，口感軟糯，包住內層脆卜卜米網再加爽口彈牙嘅蝦肉，口感非常豐富！✨豉油王炒麵 $108有時簡單嘅菜式更顯水準！呢個豉油皇炒麵唔單止份量多，大大碟，麵質彈牙爽口，仲好有鑊氣，濃味得嚟絕對唔會過鹹！配埋芝麻銀芽一齊食