Video
Read full review
2018-01-30
307 views
我朋友 call 我，話發現咗一間有變型金剛嘅麵店。作為fans 嘅我，就第一時間帶兩個好兄弟去探班。一嚟到門口，原來大黃蜂企咗喺門口等我。店子唔大，是小本經營，專做街坊生意。店子主打是米線，還有幾款小食和時令煲仔飯供選擇。我叫咗個小食【脆炸珍珠奶茶 $32】、【蝦腐鯪魚餅米線 $68】和一罐可樂我所講嘅兩位兄弟其實係 “大黃蜂” 同埋 “聲波” 嘅 figure。趁啲小食、米線未嚟，就搵 “柯柏文” 個大頭同佢兩個影張相先。大概等咗十分鐘，碗米線就嚟到。魚湯白雪雪，蝦腐橙澄澄，加埋煎到金黃色嘅鯪魚餅，見到好想食。不過，“大黃蜂” 話想等埋個【脆炸珍珠奶茶】出嚟，影埋張全家幅先至準我食。好! 等多五分鐘，【脆炸珍珠奶茶】都出埋嚟。大合照一張先。禮成! 開餐!【脆炸珍珠奶茶】: 其實係先把珍珠奶茶冰凍至凝固，然後浸炸漿，之後油炸，做法跟做炸鮮奶差唔多。要控制裡面嘅珍珠和奶茶不被炸乾的話，師父要將油溫控制得好先得，炸嘅時間要掌握得好，否則會外皮太燶，又或內裡會乾憎憎。嗱! 呢啲就恰到好處喇!魚腐就食得多，蝦腐都係第一次食。都好味。鯪魚餅 size 啱啱好，一口就可食到。唔腥，煎得香。米線爽
一嚟到門口，原來大黃蜂企咗喺門口等我。
店子唔大，是小本經營，專做街坊生意。
店子主打是米線，還有幾款小食和時令煲仔飯供選擇。
我叫咗個小食【脆炸珍珠奶茶 $32】、【蝦腐鯪魚餅米線 $68】和一罐可樂
我所講嘅兩位兄弟其實係 “大黃蜂” 同埋 “聲波” 嘅 figure。趁啲小食、米線未嚟，就搵 “柯柏文” 個大頭同佢兩個影張相先。
大概等咗十分鐘，碗米線就嚟到。魚湯白雪雪，蝦腐橙澄澄，加埋煎到金黃色嘅鯪魚餅，見到好想食。
不過，“大黃蜂” 話想等埋個【脆炸珍珠奶茶】出嚟，影埋張全家幅先至準我食。
好! 等多五分鐘，【脆炸珍珠奶茶】都出埋嚟。
大合照一張先。禮成! 開餐!
【脆炸珍珠奶茶】: 其實係先把珍珠奶茶冰凍至凝固，然後浸炸漿，之後油炸，做法跟做炸鮮奶差唔多。要控制裡面嘅珍珠和奶茶不被炸乾的話，師父要將油溫控制得好先得，炸嘅時間要掌握得好，否則會外皮太燶，又或內裡會乾憎憎。
嗱! 呢啲就恰到好處喇!
魚腐就食得多，蝦腐都係第一次食。都好味。
鯪魚餅 size 啱啱好，一口就可食到。唔腥，煎得香。
米線爽口彈牙。
食完之後，“聲波”叫我下次帶埋佢老細麥加登出嚟，試埋啲煲仔飯喎。又得啫!
Post
