Video
Read full review
2017-05-13
2288 views
迪士尼開咗新酒店， 梗係率先book 返一晚同阿囡去玩下啦～ 呢間酒店以探索之旅為主題，迪士尼真係迪士尼，每一個details都做得好細緻，一花一草 一樹一木，連牆上邊嘅一條繩仔都做得好仔細。講番晚餐先， 喺酒店泳池游完水之後就梗係直接喺酒店食埋晚餐啦，酒店內有三間選擇，一間中餐，一間比較proper嘅西餐，另外就係呢間咖啡廳了。呢間就應該比較經濟實惠，雖然款式唔算好多，但係一般一家大細都算有足夠嘅選擇~見到啲甜品整得好靚，靚到唔捨得食落肚~每個餐都附送嘅南瓜湯 - 南瓜湯嘅南瓜味香濃，大人同小朋友都啱飲~星航圖扁麵包 $129 - 有3款比你揀，我哋揀咗肉食大王， 麵包上包括有 parma ham， salami and pepperoni~麵包放在木板上上枱，賣相唔錯，店員已經幫你切好成4份，好貼心。呢個係包，所以個底唔會好似pizza 咁脆，配合埋芝士焗得幾香，係parma ham 咸左少少，share黎食係唔錯嘅~Carbonara意粉 $129 - 個 parmesan cheese cream整得幾thick，煙肉味夠香濃，份量都足夠，小朋友最愛。另外講下服務質素， 迪士尼
講番晚餐先， 喺酒店泳池游完水之後就梗係直接喺酒店食埋晚餐啦，酒店內有三間選擇，一間中餐，一間比較proper嘅西餐，另外就係呢間咖啡廳了。
呢間就應該比較經濟實惠，雖然款式唔算好多，但係一般一家大細都算有足夠嘅選擇~
見到啲甜品整得好靚，靚到唔捨得食落肚~
每個餐都附送嘅南瓜湯 - 南瓜湯嘅南瓜味香濃，大人同小朋友都啱飲~
星航圖扁麵包 $129 - 有3款比你揀，我哋揀咗肉食大王， 麵包上包括有 parma ham， salami and pepperoni~
麵包放在木板上上枱，賣相唔錯，店員已經幫你切好成4份，好貼心。
呢個係包，所以個底唔會好似pizza 咁脆，配合埋芝士焗得幾香，係parma ham 咸左少少，share黎食係唔錯嘅~
Carbonara意粉 $129 - 個 parmesan cheese cream整得幾thick，煙肉味夠香濃，份量都足夠，小朋友最愛。
另外講下服務質素， 迪士尼嘅所有服務員都好 attentive，執枱清潔既都好好笑容，值得一讚！
總括嚟講，喺迪士尼酒店裏面選西式快餐嘅話，呢有價錢算唔錯啦~
Post
