Video
Read full review
2019-03-21
207 views
難得去到上要，諗都冇諗就去左一直係wishlist嘅永樂食餃子。地點好就腳，地鐵站一出行陣就到。沿路都幾多食店，經過睇到menu都想試下。午飯時間點令鐘來到，近乎滿座，幸好有一人座位。入面啲食客大部分係返工放飯，所以食得都衝忙。餃子選擇多，叫左豬骨湯淨餃雙併$50（雙併加$2）除左餃子仲有啲小菜。雙併 鮮肉韭菜餃 加 鮮肉香菇粟米餃食物來到，即刻試餃一啖湯，好有住家老火湯嘅味，清清地，飲落唔係味精，係鮮甜味。真係唔錯。鮮肉和菇粟米餃包得唔係咁實，要小心夾先咁散。皮較厚，所以分量少但都夠飽。餡料打得均勻，見唔到啲肥豬肉，食落好似混合左唔同配料同調味，因為皮太厚，比例上顯得餡料唔多。但食落都好多粟米同菇，相對豬肉較少，算足料。鮮肉韭菜餃好多韭菜！韭菜食落好香，同啲豬肉混合得均勻。餃子餡同皮唔會一咬就分開，餡料同樣見唔到肥豬肉，但呢個對比起香菇粟米濃味，應該落重左調味。個湯咁鮮甜，當然一滴不剩！不浪費！整體來講，餃子皮較厚，餡料足料濃味，唔洗點醬汁都夠味。湯有住家味，清清地唔會搶左餃子味，一口餃一口湯，健康得來又食到好味嘅野！
地點好就腳，地鐵站一出行陣就到。沿路都幾多食店，經過睇到menu都想試下。
午飯時間點令鐘來到，近乎滿座，幸好有一人座位。入面啲食客大部分係返工放飯，所以食得都衝忙。
餃子選擇多，叫左豬骨湯淨餃雙併$50（雙併加$2）除左餃子仲有啲小菜。
雙併 鮮肉韭菜餃 加 鮮肉香菇粟米餃
食物來到，即刻試餃一啖湯，好有住家老火湯嘅味，清清地，飲落唔係味精，係鮮甜味。真係唔錯。
鮮肉和菇粟米餃
包得唔係咁實，要小心夾先咁散。
皮較厚，所以分量少但都夠飽。餡料打得均勻，見唔到啲肥豬肉，食落好似混合左唔同配料同調味，因為皮太厚，比例上顯得餡料唔多。但食落都好多粟米同菇，相對豬肉較少，算足料。
鮮肉韭菜餃好多韭菜！韭菜食落好香，同啲豬肉混合得均勻。餃子餡同皮唔會一咬就分開，餡料同樣見唔到肥豬肉，但呢個對比起香菇粟米濃味，應該落重左調味。
個湯咁鮮甜，當然一滴不剩！不浪費！
整體來講，餃子皮較厚，餡料足料濃味，唔洗點醬汁都夠味。湯有住家味，清清地唔會搶左餃子味，一口餃一口湯，健康得來又食到好味嘅野！
Post
