礦工Cafe

Open Now

Now Closed

今日出field 有幸黎到鞍山探索館嘅礦工cafe，佢呢度只係開星期六日及公眾假期，所以更加要把握機會試試！腐乳饅頭🥠我見到有腐乳饅頭覺得好特別所以就叫左黎試！初頭以為成個饅頭係用腐乳做，但原來係配上腐乳醬比你。平時饅頭應該要沾煉奶，但佢地用腐乳替代煉奶。第一下覺得有少少怪，但食落又好特別，腐乳嘅咸香味碰上饅頭本身嘅麵粉甜味，都幾夾架！但腐乳唔可以一下沾咁多，如果唔係就超咸會好怪！只可慢慢品嚐呀。另外都叫左杯熱朱古力，奶味唔太重，無蓋走朱古力嘅香味，而且朱古力唔會太稀，可謂真材實料呀🍫🍫炸雞翼🐔🍗另外都叫左炸雞翼，佢係一隻雞翼分開，容易入口。雞翼🍖🐔外皮唔會食落成口粉，皮脆肉嫩，仲有少少辣🌶，增加食慾😁😁😁豆腐花最後叫左個甜品，豆花本身咩糖都無落，而佢只有黃糖提供。唔食黃糖嘅話唯有試下🙈。豆腐花好滑夠凍，但唔算食到本身豆腐花嘅清甜，要落好多糖先食到😣礦工cafe 係一個唔錯嘅地方，店鋪都模仿左礦場環境，仲有好多歷史介紹！除左食野之外，大家都可以過黎參觀鞍山探索館，了解多d香港嘅礦產歷史👷🏽👷🏽‍♂️⛏🔨⚒。