Video
Read full review
2011-05-25
90 views
每逢五月有個大日子…今年我地o既慶祝活動所選擇o既主題食物係”水煮魚”…同學仔介紹下, 首次黎到<川渝會所–四姐川菜>…位處銅鑼灣同灣仔之間o既一幢舊式大廈(仲有用緊手動推門果隻升降機), 未可算話就腳; 哈! 樓下看更叔叔識”睇相”…一見我地就問係咪食私房菜?!...話上二樓就會見到o架o勒!!果然芝麻開門…”四姐川菜”大大隻字就在眼前…輕按門鐘, 應門係個年輕女子…望望裏頭數檯已座無虛席…服務員逐引路我地去隔離另一個單位, 原來別有洞天…相信真係入左四姐個”私房”喎!!哈哈!!...陳舊又雜亂o既住家…兩房一廳、廚房、廁所、冷氣風扇洗衣機、電視梳化組合櫃、雪櫃鞋櫃儲物櫃...仲有祖先靈位、神位添!!...廳中間放一桌備齊膠檯布同碗筷, 特別招待“包廳”喎…見哩個格局, 著實絲絲驚訝!!...服務員禮貌解說這夜客多所以有此安排…今晚夜雨濛濛…人未齊…坐梳化睇下電視…研究研究點咩菜好先…哩度以人頭算, 每位收費$220(不設加一、不包飲料、只收現金)…有汔水啤酒供選擇, 亦可自攜酒精類飲品(不需開瓶費)…簡單一張A4大o既點菜紙, 主要分涼、熱菜兩大類…而熱菜類則細分為
同學仔介紹下, 首次黎到<川渝會所–四姐川菜>…位處銅鑼灣同灣仔之間o既一幢舊式大廈(仲有用緊手動推門果隻升降機), 未可算話就腳; 哈! 樓下看更叔叔識”睇相”…一見我地就問係咪食私房菜?!...話上二樓就會見到o架o勒!!
果然芝麻開門…”四姐川菜”大大隻字就在眼前…輕按門鐘, 應門係個年輕女子…望望裏頭數檯已座無虛席…服務員逐引路我地去隔離另一個單位, 原來別有洞天…相信真係入左四姐個”私房”喎!!哈哈!!...陳舊又雜亂o既住家…兩房一廳、廚房、廁所、冷氣風扇洗衣機、電視梳化組合櫃、雪櫃鞋櫃儲物櫃...仲有祖先靈位、神位添!!...廳中間放一桌備齊膠檯布同碗筷, 特別招待“包廳”喎…見哩個格局, 著實絲絲驚訝!!...服務員禮貌解說這夜客多所以有此安排…
今晚夜雨濛濛…人未齊…坐梳化睇下電視…研究研究點咩菜好先…
哩度以人頭算, 每位收費$220(不設加一、不包飲料、只收現金)…有汔水啤酒供選擇, 亦可自攜酒精類飲品(不需開瓶費)…
簡單一張A4大o既點菜紙, 主要分涼、熱菜兩大類…而熱菜類則細分為干煸類、泡椒類、海產類、家常類及不辣類五種…總共超過數十款菜式架!!...
按人數計, 我地可以選4款涼菜5款熱菜…上菜速度快, 幾位服務的都禮貌周到…
酸辣茄子…白肉茄瓜淋上似麵醬顏色o既酸辣汁, 面頭放滿青蔥花; 茄子肉清, 少酸醒胃亦不算太辣…
四川涼麵…好大o既一碟, 雪白涼麵灑上大量川椒調味料同青蔥花, 一見開眉…麵身爽, 調味料惹味香濃, 簡單味美, 一致讚賞!!
重慶口水雞…嘻! 見碟底果層紅辣淑油就夠流口水但其實吾係好辣o既o者…雞肉質地夠結實, 加埋中芹o既香, 花生o既脆, 可口!!
夫妻肺片…係四款涼菜中麻辣味最濃o既一款, 吾怕食牛內臟的都應試, 辣得有勁, 牛肚牛舌等夠爽夠嚼口…數最香的係面頭o既芫茜呢!
重慶辣子雞…食親哩個都好似玩尋寶咁, 要嚮紅椒堆中挑雞丁!!...哩餐就唯一被這雞嗆得我喉咳不止, 有損儀態!!…俗語云”食不言”…食辣更加不能言!!…至於味道嘛, 每次我都當佢係辣肉乾零食, 下酒好菜啊!!嘻…
干煸四季豆…終於嚮紅海之中見到綠洲…但綠洲也非清泉, 豆豆火熱到燙咀!!...好味但D肉末好咸o下, 可送幾碗白飯呀…
沸騰水煮魚…當年一眾就係嚮北京嚐過<沸騰魚香>而對水煮魚傾心難忘…愛過o既人都會知…愛, 有時係會令人麻木不知覺的!!...當我地為愛而流涕, 師傅還在痛處灑鹽…著實過份了點…咸左o羅!!...除左魚片鮮滑, 作為配角o既大豆芽同粉皮o既美味程度都可與主角一爭長短架…
泡椒田雞…用大量西芹辣椒齊炒...但冇泡o既香口, 反而帶少少糊咁, 食吾到田雞o既肉感同鮮味…最失望係哩碟!!
肉末豆絲…唯一不辣之選! 起初以為”豆絲”係指豆腐…原來係用”土豆”!! 即肉末炒薯仔絲…材料簡單便宜, 製作易o既一味家常菜, 大人細路都o岩; 嚮來薯不離手…薯片、薯條、薯餅、薯茸等都喜歡…真係好容易…吾覺意…一人將成碟掃光也可!!...不過, 同樣多油架!!
最後贈送蒜炒油麥菜一碟; 自己都屬小辣椒, 可辣!…但要受得住四川菜o既味濃味重, 整餐食左成擔油同鹽到肚, 真係好需要解渴架...!!
會所正廳約10:30pm關門, 哩間私房就10pm打烊!!
Post
