安安燒 (染布房街)

Open Now

Now Closed

接近一年前大排長龍，但仍然保持到質素今次到訪唔洗排隊，即刻可以入坐仲有空枱，價錢上貴咗好正常，但反而冇咗當初嘅美味…真心有啲失望海鮮方便一年前嚟食真係一試難忘，但今次只有蒜蓉芝士焗蠔令我再次回味反而扇貝大失所望，圖片顏色可以見到非常深色，但係味道真係差甘啲，已經係食咗扇貝先…肉類方面叫得唔多，叫咗個豬頸肉同雞翼尖豬頸肉跟埋一個沙嗲醬，沙嗲醬好嘢味，但豬頸肉唔太似豬頸肉似豬肉多啲而雞翼尖就太重辣椒味完全冇蒜蓉冇其他味只有辣椒味不推薦主食方面叫咗個燒粢飯，全餐全好食係佢😋入面有肉鬆，切條油炸鬼其實好普通嘅粢飯，但係燒完之後美味加分小食方面，叫咗燒茄子燒金菇同埋玉子燒首先燒茄子係次次嚟都會叫，但係今次都真係幾失望，冇之前嘅蒜香味，略嫌唔係好夠味，兼且感覺可以燒耐啲，有啲部份都仲後生，至於燒金菇佢係用煲仔上，其實幾特別，味道正正常常，唔會話特別好好食最後玉子燒本人同朋友都覺得可以再甜啲，普通嘅一個玉子燒食完成餐之後覺得一間好普通嘅串燒店，曾經好出色嘅食品，都已經變得普普通通可以再嚟幫襯，但如果依然好似之前甘都要排隊就唔值得了感覺下次可以叫外賣就算吸引我嘅食品唔多