留白居酒屋 (Closed)

今日去屯門行下。經過這間門口好有日式風格既餐廳。就決定入去試試。我地叫左兩個拉麵同兩支飲品。日式蜆配豬骨湯拉麵有3隻蜆。3隻蜆都差唔多有手掌咁大。拉麵上面有荀同日式配料。仲配左半隻半熟既溫泉蛋。湯底係好濃既豬骨湯。麵既份量都幾多下。足夠食飽一個人。自選3款串燒配拉麵和加配蝦油拉麵一碗。都係配左荀同一啲日式配料，和半隻半熟的溫泉蛋。我地加配左蝦油落碗果度，令到整碗麵都有好香既蝦未。湯式亦變成蝦湯底。串3款燒方面我們選了一口牛，火雞腎和台灣腸。 一口牛起碼有四大粒。味道不錯。火雞腎就有成串咁多。台灣腸有兩條。串燒份量其實都幾多下。我們兩個人食已經食到好飽好飽。飲品方面我地叫左波子汽水和白桃飲品。