皇室冰廳 (Closed)

自從出咗去做嘢之後，好耐都冇喺屋企附近食過茶餐廳。今日一定要懷舊一下，快快脆脆咁食返個茶餐廳地道風味嘅飯先！呢間皇室冰廳，喺長沙灣地鐵站一出，行幾分鐘就到，非常方便！附近仲有好多餐廳揀！好好彩，下晝時間嚟到都唔使排隊，而且店員服務態度非常好，有用心推介食物餐牌，值得一讚！叫咗呢個蜜椒薯仔牛肉飯！呢一個汁做得非常出色，我相信拎嚟煮任何嘢都會好好食😂🤣不得不讚港式茶餐廳就話有呢個優勢，廚師煮嘢食火候十足！薯仔整得好林好好食，而且非常入味，如果就咁薯仔送飯應該都可以食兩碗🤣牛肉唔使講啦，一啲都唔吝嗇，非常大方，有好多塊大大嚿嘅牛肉！而且唔會煮到好硬！肉質方面唔會好多咁，咬落去都好舒服好易咬！一個非常豐盛同滿足嘅午餐👍🏻