燈籠滷味 T.P.E. (M88) (Closed)

上星期去中環影相，臨走前去左燈籠滷味外賣要反屋企同屋企人share食先！C 雞翅膀、鴨胗、麻吉燒、野生黑木耳、高麗菜 $68 + $3 手工烏龍麵: 超級推薦大家食！最飽肚的主食！雞翼幾入味size適中，鴨胗口感完全吾覺太硬而怕難消化，床吉燒細細粒，口感幾彈牙。黑木耳酸酸地幾開胃。高麗菜吸入左湯汁，食落幾入味。特登加左3蚊轉手工烏龍麵，麵質彈牙又夠滑口，吸入左醬汁，更加入味。G 眷村懷舊排骨便當 $68: 本身對便當無抱太大好感，但依度既便當未免太豐富了吧！排骨口感幾實肉，下層全是已調味既粉絲，口感好彈牙又爽口。飯既份量對我黎講剛剛好，因為食完成盒便當會幾飽肚！飯上仲有幾粒魯肉粒，另外仲有少少野生黑木耳作小食，酸酸地令人幾開胃。海苔鹽酥雞 $24: 食台灣野必定食叫鹽酥雞，雞粒好方便食，炸得好香脆而咸味剛好！雞肉吾會鞋口之餘，食落幾惹味添！台式香蒜腸 $19: 依款台灣腸比我想象中味道較咸一點，對比出面既腸口感食再實啲啲。甘梅香脆地瓜條 $19: 每條大小粗幼適中，炸得吾等太油膩，食落吾會滲出油份。地瓜條味道香口，價錢較便宜，值得作為小食啊！兩個餐均有熱冬瓜茶配送，味道幾甜。