珍煮丹 (Closed)

嚟到葵芳梗係要去葵廣啦 葵廣三樓出名係小食街 掃街聖地👅 因為疫情嘅關係 已經好耐冇嚟掃街😿 今次嚟到見到佢開咗珍煮丹😮 之前係另一間飲過黑糖珍珠厚鮮奶 覺得幾好飲 飲品種類都好多 花多眼亂好難揀 好彩有個飲品推介 同埋螢幕上面有介紹唔同嘅飲品🙊 最後我地嗌咗奧利珍 同十份芋芋鮮奶🥤奧利珍 聽個名都知有oreo🐷 店員話呢杯嘅冰同甜度都係固定嘅 飲品面頭有好厚嘅oreo碎 又有一層cream 同埋牛奶🥛 最重要係有珍珠🤤 珍珠好煙韌 又唔會太硬 飲品嘅側邊有個簡單嘅說明 同埋店員都有講解要將啲oreo碎撈落去啲cream同牛奶度 撈完杯野飲嘅口感好rich😚 真係好好飲 如果大杯啲就好喇😬十份芋芋鮮奶 都好特別 有一層厚厚嘅芋頭蓉 同埋入面有好多地瓜圓👍🏻 我地嗌咗少冰 地瓜圓比珍珠林咗少少 但個口感都唔錯嘅 成杯野飲唔太甜 店員有提我地要攪勻晒先飲 撈埋咗每啖都飲到芋頭蓉😺好開心係葵廣有珍煮丹呀 下次掃街都要嚟幫襯