彩興來來火鍋 (Closed)

尋日去將軍澳南探朋友新居入伙，個邊環境優美，新樓陸繼入伙，去完帝景灣朋友屋企，朋友話樓下有間新開嘅火鍋店“彩興來來火鍋”幾好食，於是我地就落去食個晚餐。佢哋有幾個特色火鍋湯底可以選擇， 而我哋選擇咗“黃金雞湯”， 材料包括有雞、花膠、蟲草花等； 首先店員會將材料連薑同葱放到鍋炒至半熟，然後加上上湯，等啲湯滾起之後，首先品嘗一下花膠雞湯， 湯底清甜，雞肉夠嫩滑，花膠因為 預先處理過，所以好快已經夠 夠淋夠入味； 花膠真材實料，又厚又大塊， 淨係食湯底嘅材料經有三四乘飽肚。而火鍋配料亦都非常之多元化， 其中一樣必食既自家製配料係“芝士響鈴”，係師傅用腐皮包住芝士即炸， 即點即炸，上枱仲熱辣辣，呢樣對我嚟講係小食而唔係火鍋配料，裏面芝士半溶，外面非常香脆，完全唔需要沾落火鍋湯，食過返尋味。另外“西班牙黑毛豬”嘅必食推介， 一碟份量都唔少，黑毛豬一片片雪花紋非常清晰，放湯唔需要好耐已經食得，黑毛豬果然質素高， 肉味新鮮，肉質彈牙帶點爽口，性價比十分高，好味過肥牛。另外菜心苗比其他嘅火鍋店份量好多， 以前係第二度嘅火鍋店點選蔬菜類都會好少份量，佢哋呢度絕對大份，又新鮮，十分抵食。佢哋嘅黃金餃原來