上勝日本料理 (億利工業中心) (Closed)

上星期放工約左朋友去上勝食日本菜，第一次幫襯味道吾知岩吾岩我口味呢？日式滑蛋豬排飯 $78：除左魚生丼飯之外，仲有煮野丼飯揀，岩晒吾令生魚既朋友可以一齊黎！依個豬排飯又的確幾好味，豬排炸得好香脆又夠厚，食落特別有口感，同時又吾鞋口。加上有滑蛋、洋蔥，令口感滑得黎，仲有洋蔥爽口。配合飯底，味道一流！三文魚腩刺身 $58：有點兒失望，因為朋友所叫既三文魚腩壽司既三文魚腩仲厚過刺身依款。魚油不算太多，味道鮮味。牛油果軟殼蟹卷 $82：估吾到會有甘多個舊卷物。牛油果幾香口，卷中架入左青瓜絲同軟殼蟹，令整個口感吾覺油膩。而軟殼蟹不算太多肉，大多是外殼的料。