Mee...lemongrass (將軍澳中心) (Closed)

今日同朋友去開將軍澳行街，經過呢間泰國菜，決定晚餐黎試下。環境方面同一般餐廳唔同，面門好開揚夠光猛，而且每張桌之間又夠闊落。價錢方面，泰國菜黎講唔係貴，價錢合理!食物方面，點左餐廳數量限定既波士頓龍蝦喇沙，一上菜比佢大大隻龍蝦嚇到嘩左聲，係原隻既龍蝦! 龍蝦一黎好大隻，二黎熱辣辣又厚肉!2個人食好足夠!而且喇沙仲係好正宗有油麵同米粉!另外，仲點左肉骨茶，肉骨茶個味岩岩好，唔會太濃都唔會太淡!入面仲搵得到成條既豬骨添! 主食仲叫左海南雞，面頭好細心甘用雞肉切左羽毛形狀舖面，雞肉夠滑口，食落唔會鞋!而且呢度既馬拉盞炒通菜都好推介，炒得好夠味，唔會好淡，辣辣地，用黎送飯一流!總括黎講，呢度d野食真心唔錯，真心值得推介，有時間會再來試下其他菜式!推介泰國菜之選