自由流

Open Now

Now Closed

早前食完日式拉麵，呢日見九龍灣德福廣場開咗間日式餐廳，主打拉麵同丼飯，價錢唔貴，大約由$78- $158，環境都幾好坐。濃厚泡沫雞白湯拉麵（$92） - 湯底係雞白湯，超級鍾意佢清清地得來帶鮮甜嘅雞味。入邊有兩款雞肉，包括日本慢煮雞叉燒同埋雞叉燒。兩款質感有啲唔同，但同樣肉質鮮嫩。拉麵質地比較幼身同軟滑，掛上雞湯底，必食推介。牛白湯拉麵和牛背脂（$128） - 入面有慢煮有機西冷牛、和牛背脂、蛋、韭菜等。賣相已經好吸引，牛入口非常嫩，配搭蒜香，味道好夾。小食點咗肉餃子（$32），一客有五隻。餃子煎得好靚，入口香脆，味道唔錯。