富臨薈 (Closed)

約左朋友喺沙田行街，首先當然要填飽肚先啦！去左隔離偉華中心穩食，見呢間都幾多人食，一於就選擇呢間啦！炸乳鴿：呢個推介啊！D乳鴿炸得啱啱，皮脆肉嫩，一撕開仲有汁流出來，一只二十蚊好扺食，一人只可以叫一只黃金奶黃包：熱辣辣的奶黃包一搣開，D奶黃餡流曬出來，而且餡料仲會流沙，超好味！紅米腸：外面紅色的腸粉皮包住網皮鮮蝦，配上醬汁口感好特別，滑溜溜的腸粉加上脆卜卜的網皮再加上爽脆的蝦仁，三重口感，都值得推介牛肉球：勝在夠大粒，淋上喼汁趁熱食😋，凍左就麻麻的啦！其他點心就一般般無咩特別啦！