Jamie's Italian (Closed)

朋友飯聚，簡左好耐無去既Jamie's itailian,可能因為係星期六，所以都算多人，訂枱時本來request要近窗邊位置，但安排唔到，不過都安排左梳化位置比我地。同朋友叫左個白汁藍貝，加$40要多個蒜蓉包，另外order左個rib-eye同埋龍蝦risotto,青口先到白汁煮得好好味，藍貝份量都唔少，本身都有兩片麵包跟埋，但好硬，唔好食，反而加錢既麵包好食好多，所以如果order建議加錢要客蒜蓉包，因為用黎點汁食非常好食。rib-eye要左medium well,味道不過不失，risotto龍蝦非常鮮甜，但risotto係偏辣，唔係creamy個種，味道我同朋友都唔太喜歡，所以下次應該唔會再叫。服務都算唔錯，大部份staff都有笑容，不過餐廳環境偏嘈，如果食飯傾計可能唔太適合，個人非常推介白汁藍貝，價錢唔貴，亦都非常好食。