麻辣小聚 (93WYS) (Under Renovation)

今日返工冇乜嘢做，所以就上網睇吓有啲乜嘢餐廳好食，諗住lunch time嘅時候去試吓！然後，比我喺OpenRice度見到有呢一間麻辣小聚，呢間餐廳lunch time嘅時候都可以食到好食嘅川菜，而且價錢一啲都唔貴，所以就約咗同事去試吓！四川回鍋肉😋呢一份四川嘅回鍋肉真係好香，除咗回鍋肉本身好美味，充滿着麻辣風味之外，其餘嘅配菜亦都好好食！用嚟送飯簡直一流！孜然和牛粒😋呢一個牛肉粒首先一上枱嘅時候就已經聞到好香嘅孜然味道，加埋呢一個和牛粒本身就已經好香嘅牛肉味，所以兩個加埋一齊好夾！同埋牛肉好林，一啲筋都冇！所以食落去係又香又好食的！