Video
Read full review
2017-10-02
165 views
Zakka在銅鑼灣開左新店！就在皇室堡對面翡翠明珠廣場一樓，原來係大家樂集團在這裡一樓全層開左六間餐廳，做左個很大的food court.話左我係甜品控，真係好鍾意食甜品，今晚同朋友食完晚餐，直接就來Zakka食埋呢個梳乎厘班戟配北海道牛乳雪糕，$88。呢個班戟一上桌，見到都流曬口水，因為佢識震，睇到都覺得佢係好軟綿綿。忍唔住我要切開佢啦，見到裏面真係好似梳乎厘咁鬆軟，班戟內啲氣泡好綿密，証明粉漿打得夠均勻，個班戟煮時先可以升起得咁高咁靚樣。淋上糖漿一齊食，味道有好香甜嘅蜂蜜味，班戟本身味道淡，有好香嘅蛋味，所以拌食配料好重要。口感食落好軟綿綿，入口即溶，好似食棉花糖咁，真係食到唔停得口，三塊厚厚嘅班戟，唔使三分鐘畀我們食晒喇!食嗰陣時，可以配埋個北海道牛乳雪糕一齊食，會增加牛奶味，因為個北海道牛乳雪糕，牛奶味超重，令個班戟更加香，可惜雪糕太細球了，我每一人一啖已經食晒，想再用來塗班戟食都唔夠。另外，又可以配奶油，個奶油打得超滑，味道少少甜，令班戟有蛋味之餘又多d香甜味 。另外我哋仲叫多一個紫薯鮮奶飲品$36，呢個真係好少有得飲呀，值得推介！因為飲一啖就飲到有好香嘅番薯味，而紫薯味道係
Zakka在銅鑼灣開左新店！就在皇室堡對面翡翠明珠廣場一樓，原來係大家樂集團在這裡一樓全層開左六間餐廳，做左個很大的food court.
話左我係甜品控，真係好鍾意食甜品，今晚同朋友食完晚餐，直接就來Zakka食埋呢個梳乎厘班戟配北海道牛乳雪糕，$88。
梳乎厘班戟，北海道牛乳雪糕
9 views
1 likes
0 comments
呢個班戟一上桌，見到都流曬口水，因為佢識震，睇到都覺得佢係好軟綿綿。
忍唔住我要切開佢啦，見到裏面真係好似梳乎厘咁鬆軟，班戟內啲氣泡好綿密，証明粉漿打得夠均勻，個班戟煮時先可以升起得咁高咁靚樣。
淋上糖漿一齊食，味道有好香甜嘅蜂蜜味，班戟本身味道淡，有好香嘅蛋味，所以拌食配料好重要。口感食落好軟綿綿，入口即溶，好似食棉花糖咁，真係食到唔停得口，三塊厚厚嘅班戟，唔使三分鐘畀我們食晒喇!
食嗰陣時，可以配埋個北海道牛乳雪糕一齊食，會增加牛奶味，因為個北海道牛乳雪糕，牛奶味超重，令個班戟更加香，可惜雪糕太細球了，我每一人一啖已經食晒，想再用來塗班戟食都唔夠。另外，又可以配奶油，個奶油打得超滑，味道少少甜，令班戟有蛋味之餘又多d香甜味 。
另外我哋仲叫多一個紫薯鮮奶飲品$36，呢個真係好少有得飲呀，值得推介！因為飲一啖就飲到有好香嘅番薯味，而紫薯味道係會偏甜嘅，但這杯飲品因為有牛奶嘅溫和口感同奶香，中和了蕃薯嘅甜味，令整杯飲品濃淡適中，幾特別。
埋單$124,兩人share份量剛好唔怕肥，不過如果雪糕可以大球d 會滿足d。
Post
