亞婆豆腐花 (Closed)

步入秋季, 一碗温熱既豆腐花確係好好既掃街之選, 今次去大圍食晚餐, 順便可以去掃下街, 見到好多人食豆腐花, 搞到我都想整返碗~ 呢到豆腐花有普通口味, 仲有兩種特別味, 就係芝麻味同埋花奶味, 我就每款點左碗黎試。 芝麻味豆腐花唔係第一次食, 但次次都其實係豆腐花加左芝麻糊, 呢到原來係加左芝麻粉呢!!! 又另一種食法, 雖然粉既量唔太多, 但都好香濃芝麻味, 比起加芝麻糊無咁甜但口感更豐富, 另一好處就係可以同時加埋黃糖~~~ 因為芝麻糊既話無理由再加糖, 呢款就可以喇yeah! 花奶豆腐花顧名思義就係豆腐花加左花奶XD 花奶味道唔算突出, 但就可以再增加豆腐花個滑溜感, 照樣係可以加糖食, 都無cover左個花奶既質感。 每次食豆腐花都會想試埋豆漿, 所以試埋胚芽豆漿同埋芝麻豆漿, 原來係會即刻整, 將新鮮豆漿即溝芝麻粉而成, 兩枝相比下芝麻味會香D, 但無豆腐花咁濃香。