鳴虎 (北帝街) (Closed)

好！下個月終於有得出發去日本，未有得去之前就先喺香港食個拉麵啦～鳴虎有幾間分店，今日就嚟咗北帝街呢間。我哋平日夜晚食，六點幾到，餐廳唔多人。呢度有幾款拉麵，我哋揀咗博多黑蒜油拉麵同埋蝦味噌豬骨湯拉麵。每碗拉麵都有火炙叉燒同埋半熟蛋，份量都唔少；如果大食嘅寶寶仲可以追加配菜！拉麵係幼身拉麵，口感彈牙，都幾掛汁。黑蒜油拉麵感覺唔會好油膩，蒜味香濃；我鍾意佢個拉麵有好多木耳絲同蒽花，感覺健康啲。火炙叉燒好味道，肥瘦比例啱啱好！蝦味噌豬骨湯拉麵係推介呀，蝦味香濃，店員話係用咗北海道鮮蝦、櫻花蝦粉同埋豬骨熬湯，食唔晒啲麵都可以飲晒啲湯！呢度嘅半熟蛋做得好靚，忍唔住追加左一隻😂本身仲想食啲小食，不過太飽就唔好浪費了～留返下次再試吓！