花羨沐嵐

Open Now

Now Closed

每逢假日外出午餐後, 臨返屋企前, 我都一定會睇下附近有咩舖頭可以幫襯買個甜品黎食(自從疫情後就無再幫襯外賣雪糕店了, 因為一定要買返屋企食) 而最近呢兩個月我最鍾意既飯後甜品就係生果奶類飲品。花羨沐嵐同丸·茶手作位置好接近, 佢地係OPENRICE既食評都同樣不錯, 所以最後會揀花羨沐嵐純粹係因為見丸·茶手作既分店多D, 即係再遇到丸·茶手作既機會會多D店員態度親切, 見我帶住個小朋友仲介紹我邊款適合小朋友飲(但其實我係買比自己飲), 我猶豫不決左好耐又問問題都依然耐心回答。最後叫左鳳梨青茶+珍珠+原味奶蓋大杯少冰少糖。好飲尤其奶蓋部份, 就算帶到返屋企先飲大概半個鐘路程, 奶蓋都無沉左落底, 依然都可以潷(but)到出黎食。以為鳳梨青茶只係得茶唔知道有料所以另加左珍珠。 佢地既鳳梨青茶本身整得好好味, 只係佢地落個鳳梨醬落得太重手, 令到杯飲品過份地甜, 前提係我地已經叫左少糖, 所以呢個真係佢地既少少失誤, 好彩我地係帶返屋企飲, 我將佢倒出黎自己既杯度再加冰, 即刻變得超抵飲, 可以分到兩三杯。