十三姨酸菜魚 (粉嶺中心) (Closed)

呢間酸菜魚成日夜晚經過都見到排晒隊咁，難得中午時間唔洗等位，一於就試下佢啦～1️⃣ 🍛 15招牌十三姨菜魚飯/米線 （$72）一人份量既酸菜魚份量都唔細，魚肉做得好滑，入口即融。味道方面我地就選擇左小辣，對我黎講辣度岩岩好，唔太辣但又有麻既感覺。🤤成碟菜魚仲有唔少芽菜同酸菜，的確幾開胃～2️⃣🍗啖啖無骨海南雞飯配椒麻汁（$68）椒麻汁呢種醬汁比較少見😯，黎到既顏色同我想像中有少少出入🤣但味道係唔錯的，唔辣但帶有麻的感覺，同雞肉配搭上黎又幾好食喎 值得一讚既係無骨海南雞同樣做得好滑，唔係鞋zap zap的雞肉👌🏻
3️⃣🍡紅糖糍粑 （跟餐加 $28）食親酸菜都會想叫紅糖糍粑食，感覺食左先夠完滿。☺️雖然我地放耐左先食，但糍粑仍然維持到外脆內煙韌的口感，加埋紅糖糖漿同黃豆粉，味道更豐富😚4️⃣🫖 醒胃酸梅湯（跟餐）5️⃣🧃熱百香果蜜（跟餐）飲品就正正常常 (但唔記得影相添🥲)，個人認為味道偏甜左少少。整體黎講都幾抵食，味道都唔錯，難怪會多人等位，可惜白飯煮得淋左少少🤏🏻。