新寶馬茶餐廳小廚

Open Now

Now Closed

第一次踏足坪州，經過呢間人氣雪糕菠蘿包店，而且又冇人排隊，就入去一試，除咗雪糕菠蘿包，仲有好多唔同款式，都係菠蘿包入面夾住唔同嘅餡料，今次試咗兩款菠蘿包，分別係最出名嘅雪糕菠蘿包，同埋豬扒菠蘿包。雪糕菠蘿包入邊夾住兩球經典3色雪糕（雲呢拿士多啤梨朱古力味），菠蘿包表皮夠脆，少暖，好似冰火2重奏咁，但又好夾。另外豬扒菠蘿包入面豬扒份量比較少，唔夠食晒全個包，入面仲有酸薑同少許沙律醬，豬扒吾太脆，少少juicy，咬口亦吾太韌，呢個包中規中矩。佢個拌碟好特別，係菠蘿碟，襯返佢哋嘅招牌菜，挺有心思。餐廳限時45分鐘，基本上食得比較趕，staff 會走過來催還枱，仲坐緊喺度嘅時候已經開始執走晒所有嘢。