望月樓

Open Now

Now Closed

🥢蒜泥白肉薄切五花肉，脂肪部位好似食燻蹄咁爽口，連一塊青瓜片；中間既蒜泥好幼滑，食落唔會有蒜既辛辣味👍🏻三樣加埋唔肥膩好清新。淋左少少辣油、花椒油，但唔辣口🥢蜜汁叉燒叉燒厚切上碟，有兩至三厘米厚😮肥瘦適中，燶邊有炭香味，肉質鬆軟細緻🥢剁椒十分十二吋大魚頭點菜時特別要求BB 辣😄 所以青辣椒醬比例會比剁椒多。上枱後侍應會即時將魚頭分拆。用左大魚，魚頭鮮嫩入味，鹹香微辣，兩個人都清晒碟😄🥢鹹柑桔川貝鷓鴣燉花膠湯依個組合好有新鮮感。鹹柑桔、川貝止咳順肺功效出色，加埋有同樣效用既鷓鴣，所有材料都有止咳潤肺嘅功效，而花膠滋陰養顏，飲完真係好有順喉感🥢砂鍋甘樹子唐生菜甘樹子味道好似鹹橄欖，唐生菜本身味清，所以配埋真係好夾，砂鍋熱住上，香味好出🥢望月焗豬排飯一上枱就好香芝士同茄香，流心蛋液配芝士拌飯好正；豬扒以吉列酥炸，外脆内嫩；炒飯底乾爽，唔係普通白飯，原來混有黑野米，有口感；成碟無油淋淋，係高級版焗豬👍🏻🥢脆炸好立克粉漿包住好立克味既奶凍去炸，好新奇😊熱食已經外皮脆，入面好香好立克味，攤凍食都唔油，好立克味仲明顯🥢生磨芝麻卷好欣賞佢一啲都唔粉，但好有彈性，芝麻味好重，依幾點已經好出色不愧為米芝蓮