Schnee German Restaurant (Closed)

係openrice見到呢間餐廳評分唔錯 所以就同朋友黎試下鋪頭位置唔難搵 一出地鐵站轉個彎就到 係林立既食肆中好容易搵到呢間德國餐廳 因為佢係落地玻璃設計 侍應介紹下點左二人餐 係等待食物既期間 可以花時間欣賞店內充滿特色既設計 首先上沙律 三大舊三文魚卷係中間好賞心悅目 沙律菜同蕃茄選材新鮮 配上黑醋 微酸之後上大蒜薯蓉忌廉湯 配德國麵包籃伴金文畢芝士醬 包微溫 醬雖然係芝士但食落唔heavy 幾好味主菜來了！招牌脆皮燒德國咸豬肘伴酸椰菜烤燒薯角 待應好細心地放上原隻豬手俾我地影相先 之後再拎入廚房切開 因為廚房係open kitchen設計 所以係出面都聽到廚師切豬手脆皮既聲音先食薯粒 感覺好特別 食落唔似普通既薯仔 較軟身 豬肘皮好脆 肉都大舊 中間夾住一層骨膠原haha 好食！食到意粉開始飽飽地 呢碟叫牛油帶子龍蝦汁菠菜意大利粉 食落幾creamy 但因為creamy所以更快飽二人餐黎講份量都幾多 兩個女仔黎未必食得曬haha