Amplifier Restaurant (花園街) (Closed)

特色小食拼盤 $208 有五款小食，包括豬肋骨，水牛城雞翼，自家製和牛肉丸，酥皮香腸卷及炸洋蔥圈，中間有沙律菜，以及配有茄汁，黃芥末及Salsa醬。雞翼味道唔似平時食開的水牛城口味，唔辣，反而有啲柚子味。酥皮香腸卷幾好食，加埋個香辣Salsa sauce好好味！呢份拼盤應該係三人份量，除出洋蔥圈有六個，其他都係得三件。PizzaJapan $168 食落係好日式的感覺，除了鋪面的木魚碎，燒汁底加沙律醬面是大板燒的味道。不過唔係好食到有秋葵。龍蝦汁海鮮意大利麵 $188 非常香濃的龍蝦汁味道，正！有幾隻青口，大蝦及魷魚圈，算幾豐富。秘製醬燒豬肋骨 $208 有成九條骨，是經典豬肋骨的味道，仲有沙律菜及粗薯條，成件事好經典，唔「秘製」，但係好味既。甜品叫左兩件撻 - #無花果撻 #意大利芝士撻，原本$46-48/件，兩件$88。兩件撻幾大件，有埋生果碎擺盤，賣相唔錯。無花果下面的撻似燉蛋，意大利芝士即係Tiramisu，唔錯。