東京築地拉麵 (Closed)

今日老公話要專登出屯門市中心買罐罐比屋企個大小姐食, 好一個貓奴呀！我收工返到去都七點, 快快手搵一個餐廳解決晚餐, 經過見到依間餐廳係角落唔太起眼, 半年冇返家鄉既我地又好掛住陣拉面味, 就二話入說要入去試下！依晚我老公就叫左黑鬼濃厚豚骨湯叉燒拉面, 我呢就叫左魚介沾面, 我自己好推介個魚介沾面, 叉燒有燒過面, 所以食左有一種香香既燒烤味！沾面湯熱喇喇, 食落非常有飽肚品, 燒刀魚都唔使講一定係好味, 加上檸檬汁就冇得輸！我地仲叫個雞肉棒, 本身以為好普通原來佢加左料, 另到更加有口感！依間穩世小店非常不錯！