有錢佬靚粥 (Closed)

招牌有錢佬靚粥($29)有魚蛋粒，咸蛋，皮蛋，瑤柱，粥底煮得好棉，咸蛋黃同咸蛋白帶到個粥有少少咸味，食落唔會淡口，入面既魚蛋粒仲好彈牙添醉翁亭 ($36)第一次試到醉雞煮既粥，原來都幾正酒味仲有少少食得岀但因為煮既時間揮發咗好多，所以酒味係香得黎唔濃烈~ 入面雞都幾滑，覺得如果冇骨就更加perfect！ 仲有少少蟲草，呢個粥絕對係養生之選除咗粥之外，最多就係小食。多到太難揀，今次就試下黃金鮮蝦餅($25/3塊) , 香煎芋頭餅($23/3塊) ，香煎豬肉韮菜餃 ($20/4隻) 同燒賣 ($8/5粒)蝦餅食落都幾彈牙，有墨魚同鮮蝦打岀來，但粟米就冇想像中既味道，冇粟米既甜味。而芋頭餅食落有驚喜，好多芋頭肉，食落都彈牙，唔錯韮菜餃味道都不錯，又煎得夠脆。 下次要試埋蘿蔔糕~