澳門金隆雲南米綫 (Closed)

今日約左係朋友係銅鑼灣食飯，對於我黎講，銅鑼灣係一個好遙遠的地方，究竟邊一間食要山長水遠，朋友話想介紹我，而且係非黎不可，就即管睇下先。原來係一間澳門品牌，進駐香港開舖。呢間係澳門已經有成十幾年歷史，主打招牌菜有酸辣小鍋米線。入到佢的時候，都人山人海坐滿人，等左七分鐘，終於有位啦！睇一睇餐牌，雞湯過橋米線、小鍋米線組合、酸辣小鍋米線、特色小吃、特色套飯、雞湯/酸辣湯泡飯、撈米線，包羅萬有，一睇之下，心思思一心兩意，咩款都想食，都真係要d時間消化考慮下究竟食咩先好，太多選擇底下都一時決定唔到，花多眼亂，而且又太吸引嚕。決定左啦！我地揀左招牌過橋米線、五香排骨牛肉撈米線、紅油鹵豆腐、樽仔奶茶、玫瑰木瓜水，雖然知道叫得多左，但因為抱著想試的心態度，所以照着點左。最後全部都被我地清晒，有少少食後感跟大家分享：招牌過橋米線的配料有豬頸肉、鮑魚片、蝦球、炸魚片、雞件、香菇、鵪鶉蛋、炸菜、韭菜、芽菜、獅子狗、腐皮、香菜、金菇菜、雲耳、韭黃，仲附送四款小食 (鹵水牛肉、酸辣黃瓜、鹵水豆腐、紅油鹵豬耳。嘩！真係好豐富，見到呢一刻，真係覺得好幸福，其實食材係好簡單，但就帶給一種難忘的口感，精粹就在於湯底啦