頭啖湯

Open Now

Now Closed

今日黎到位於天后既一間港式火鍋小店，呢間火鍋店座落位置唔明顯，我地比較早黎，6:00黎時無乜人，估緊會唔會中伏（上OP睇好多好評），但原來7:00過後就開始多人，仲full House Tim!今次就叫左佢地新推既一款湯底——冬瓜瑤柱鮑魚雞煲，呢款湯底超級推薦！打去book位時店員極力推介，話湯底用咗40隻鮑魚淆出味🫢要早一日預訂，誠意十足。一打開煲湯就見到一大個冬瓜圈，中間有四隻肥美既五頭大鮑魚，周圍仲有好多瑤柱絲同雞肉，雞可揀半隻定一隻，我地兩個人半隻就夠。一滾起店員就叫我地先嚐「頭啖湯」，一飲入口就滿口鮑魚鮮甜味，仲要啖啖都食到瑤柱絲，配埋冬瓜既清甜同濃郁既雞味🐔，簡直飲唔停。鮑魚咬落好彈牙嫩滑，就算煲咗好耐都一啲唔硬👍因為兩個人，店員話齋叫個湯都有好多料食，所以我地就額外訂咗d海鮮（大多數海鮮類都需要提前預訂，保證新鮮）我地叫左南非鮑魚、特大蟶子、黑花甲同元貝，每樣海鮮都好新鮮！特別推介黑花甲同蟶子，好厚肉同鮮甜，配呢個湯底好夾。兩個人食完之後岩岩夠哂飽，只係食湯料都已經飽左一大半！除咗海鮮，餐廳仲有其他大路火鍋配料，亦有是日精選或較特別食材，價錢都算優惠。呢間火鍋小店出奇地好