王子飯店京川滬廚房 (Closed)

唔掂! 呢個時勢諗住出去食吓飯，都消費吓，點知一肚氣，激到我要第一次寫食評。一向食嘢要求唔算太高，正正常常都就可以。但今次真係嬲到唔出聲都唔得。食咗唔係好多嘢，有一碟紅燒野菌竹笙豆腐。之後睇返餐牌，呢碟紅燒野箘竹笙豆腐$128。可能晌呢啲餐廳算下價菜。聽呢個菜名唔知大家有咩期望。碟菜放低嘅時候都冇咩特別，賣相正常，但係到分菜時候發現...全碟有兩件竹笙咁"多"(張相係已經拎走兩舊豆腐)。唔係兩條，係兩件，一件有一節(唔係一隻)手指公咁大。問待應佢話問過廚房係正常。失望! 如果大家要去就問清楚份量先好叫餸。