Video
Read full review
2020-08-15
400 views
為左滿足朋友想食麻辣米線既胃口，今日專誠去左雲川燒食午餐。幾間分店都幫襯過，黎得最多既就係虹橋分店。有個啊姨係呢度既前員工，佢話店舖好注重衛生，每日收鋪廚房、座位裏裏外外都會抹一次，係呢個非常時期，當然係我優先考慮既餐廳。不過，服務態度認真麻麻。曾經試過第二碗麵落單時諗起岩岩落既第一碗麵餸菜要另上而俾店員話麻煩。因為疫情唔想搭枱，今次我地專誠等卡位，等左10分鐘左右就有枱，店員迅速執好枱安排我地入座，但係坐卡位既代價係催枱情況好嚴重。食麵期間好有壓力，店員不時行過黎睇你食完未，當急速食完麵仲未飲野，店員已經執走曬所有野抹埋枱，叫左下一輪客入黎，搞到好尷尬，唯有隨便飲2啖就走。明白店舖想提高翻枱率，賺多d，但都希望都可以顧及食客體驗。麻辣紅薯粉配 豬頸肉（小辣）麻辣湯底麻中帶香，惹味；炸香既豬頸肉算係店舖既招牌，肥瘦恰度好處，食落爽脆香口，而且質素穩定，推薦食。紅薯粉普通，冇特別。8分麻辣米線配 豬扒，豬大腸（中辣）小辣同中辣辣度差唔多，炸豬扒香茅味好重，似泰式醃法，建議可以叫另上，可以避免豬扒俾湯汁浸軟；豬大腸滷水味香，份量唔算多，但+$9合理。米線一般，唔會太冧或太硬。8分凍豆漿熱檸
幾間分店都幫襯過，黎得最多既就係虹橋分店。有個啊姨係呢度既前員工，佢話店舖好注重衛生，每日收鋪廚房、座位裏裏外外都會抹一次，係呢個非常時期，當然係我優先考慮既餐廳。
不過，服務態度認真麻麻。曾經試過第二碗麵落單時諗起岩岩落既第一碗麵餸菜要另上而俾店員話麻煩。
因為疫情唔想搭枱，今次我地專誠等卡位，等左10分鐘左右就有枱，店員迅速執好枱安排我地入座，但係坐卡位既代價係催枱情況好嚴重。食麵期間好有壓力，店員不時行過黎睇你食完未，當急速食完麵仲未飲野，店員已經執走曬所有野抹埋枱，叫左下一輪客入黎，搞到好尷尬，唯有隨便飲2啖就走。
明白店舖想提高翻枱率，賺多d，但都希望都可以顧及食客體驗。
10 views
0 likes
0 comments
麻辣紅薯粉配 豬頸肉（小辣）
麻辣湯底麻中帶香，惹味；炸香既豬頸肉算係店舖既招牌，肥瘦恰度好處，食落爽脆香口，而且質素穩定，推薦食。
紅薯粉普通，冇特別。8分
10 views
0 likes
0 comments
麻辣米線配 豬扒，豬大腸（中辣）
小辣同中辣辣度差唔多，炸豬扒香茅味好重，似泰式醃法，建議可以叫另上，可以避免豬扒俾湯汁浸軟；豬大腸滷水味香，份量唔算多，但+$9合理。
米線一般，唔會太冧或太硬。8分
凍豆漿
熱檸水
總體而言：
味道：惹味，食完唔會好口渴
性價比：抵食，$41食得飽又有野飲
服務：好一般
環境：座位細，比較逼，疫情期間仍有機會要搭枱
Post
