Video
Read full review
2021-04-13
1171 views
每次約長輩食飯都離不開上海菜或飲茶，屯門市中心既中菜廳已經食過無限次，酒樓執下一間又一間，所剩無幾。苦惱之際，無意間發現新開左間餐廳「點．煲」，顧名思義係專門食點心同煲仔飯，於是入去試下。入坐後店員立即擺好餐具，可能餐廳新開，店員未上手，難免有點笨手笨腳。擺好餐具，店員隨即問想飲咩茶，有：鐵觀音、香片、普洱、菊花杞子，我揀左菊花杞子。不過睇餐牌先發現茶係屬於飲品類，價錢亦不一，雖然酒樓都要收茗茶費，但如果有其他飲品選擇，我認為店鋪問客人飲咩茶前應該遞上餐牌明言收費，俾客人知道有其他選擇會更好。麻辣金錢肚呢款係涼拌菜，麻辣汁好香好惹味，有川菜風味，金錢肚有嚼口，而且份量比酒樓多，必試！懷舊潮州粉粿好食既點心必要條件係即蒸即食，夠熱。點．煲既點心上枱全部都熱氣騰騰，抵讚粉粿岩岩蒸熱，外皮雖然較厚但軟冧，餡料足料，應有則有，可以試下。香菇燒賣好耐未見過燒賣頂層有咁多粒粒蟹籽，咬落去卜卜聲，好驚喜平日食開既酒樓燒賣上面只有幾粒甩左色既「蟹籽」，估唔到呢度如此豪氣，令賣相都好睇多了。燒賣用偏瘦豬肉，唔會食到粒粒肥膏，配搭冬菇香味。讚！東北蒸餃餃子外皮厚薄適中，不過肉餡味道唔岩我地胃口，失望正宗雞
苦惱之際，無意間發現新開左間餐廳「點．煲」，顧名思義係專門食點心同煲仔飯，於是入去試下。
入坐後店員立即擺好餐具，可能餐廳新開，店員未上手，難免有點笨手笨腳。擺好餐具，店員隨即問想飲咩茶，有：鐵觀音、香片、普洱、菊花杞子，我揀左菊花杞子。
不過睇餐牌先發現茶係屬於飲品類，價錢亦不一，雖然酒樓都要收茗茶費，但如果有其他飲品選擇，我認為店鋪問客人飲咩茶前應該遞上餐牌明言收費，俾客人知道有其他選擇會更好。
麻辣金錢肚
37 views
2 likes
0 comments
麻辣金錢肚
呢款係涼拌菜，麻辣汁好香好惹味，有川菜風味，金錢肚有嚼口，而且份量比酒樓多，必試！
懷舊潮州粉粿
21 views
0 likes
0 comments
懷舊潮州粉粿
好食既點心必要條件係即蒸即食，夠熱。
點．煲既點心上枱全部都熱氣騰騰，抵讚
粉粿岩岩蒸熱，外皮雖然較厚但軟冧，餡料足料，應有則有，可以試下。
香菇燒賣
24 views
0 likes
0 comments
香菇燒賣
好耐未見過燒賣頂層有咁多粒粒蟹籽，咬落去卜卜聲，好驚喜平日食開既酒樓燒賣上面只有幾粒甩左色既「蟹籽」，估唔到呢度如此豪氣，令賣相都好睇多了。
燒賣用偏瘦豬肉，唔會食到粒粒肥膏，配搭冬菇香味。讚！
東北蒸餃
餃子外皮厚薄適中，不過肉餡味道唔岩我地胃口，失望
正宗雞包仔
38 views
0 likes
0 comments
正宗雞包仔
麵包濕潤唔乾，肉餡好食，家人讚不絕口。
豉汁白鱔煲仔飯
23 views
0 likes
0 comments
豉汁白鱔煲仔飯 (另加一條臘腸）
等左大約25分鐘，期待已久既煲仔飯終上枱啦！
打開煲蓋香味撲鼻而黎，白鱔相當肥美，食落啖啖肉，肉質爽脆帶點油脂，令人難忘！
臘腸爽口，瘦中有肥，唔錯。
白飯軟硬適中，燒到岩岩好，唔知係咪用備長炭燒既關係，飯焦唔會過厚難嚼，甘香得黎又脆脆地。鍾意食飯焦的話可以等多幾分鐘，飯焦更多更香。
枱面有醬油同豬油俾客人自己落，白鱔帶有豉汁，唔落已經好夠味，但再加點豬油，每粒飯都"立立令"，非常有食慾。
不過煲仔飯價錢唔平，係一人份量，餸菜亦唔算多，性價比差點。
總體而言：
味道：大滿足，長輩們好滿意，表示下次要再黎
性價比：可以接受
服務：男收銀員態度有待改善，埋單時不屑地表示唔收信用卡，轉用八達通俾錢後，冇任何說話示意已收款，連多謝都欠奉，感覺不被尊重。
環境：舊香港風格裝修，有特色，店舖好多卡位，地方新淨
Post
