點煲 (屯門市廣場1期)

Open Now

Now Closed

今晚見間餐廳咁多人排隊，諗住無死啦，排左大半個鐘先入到去，一入到去無人理，張枱仲有上一手些飯係到，都唔知有無做清潔，諗住啲食物好食咁算啦，叫左幾樣野試下啦，光速來到。1. 椒鹽脆皮蝦球- 唔熱ga，啲炸粉又多，啲蝦又細隻又係霉嘅，一啲彈性都冇，都唔知食緊炸粉定係食緊蝦？2. 臘腸排骨煲仔飯 - 臘腸又臭嘅又硬的，排骨又霉3. 合時燉湯 - 個湯啲渣又難食又嚡，湯又無味，成碗有半碗都係骨同場內乾女職員態度又差，又無禮貌

等成個鐘都無得食，服務好差，未食完野就收走人野。等成個鐘都無得食，服務好差，未食完野就收走人野。等成個鐘都無得食，服務好差，未食完野就收走人野等成個鐘都無得食，服務好差，未食完野就收走人野

回家前有少少肚餓加上一直想食好耐所以去呢間食，排隊前有个姐姐（不認識）想跟我share隻火燒雞所以兩个一齊入去食，我自己就叫咗梅菜扣肉，佢就叫咗整个餐，佢好好人咁份大半部比我食，整體隻雞同梅菜扣肉都好食，值得推介👍🏻（其實呢次光顧有个小插曲：因為係第一次去食所以唔熟識排隊安排，於是我問收銀位个男同事，佢非常冇禮貌叫你自己去搵隊排，所以到最後一付款完马上向經理投訴）

之前幫襯開馬鞍山點煲，現在馬鞍山店沒有了，就從老遠的坐巴士去屯門點煲食冬天必食佳品~煲仔飯。叫咗個二人套餐，有鳳爪排骨煲仔飯，南乳齋煲和點心，鳳爪排骨都新鮮，排骨沒雪味，味道很好，飯軟硬度適中，有飯焦，話係用備長炭煮的，size 都合適，真係好回味，枱上有豬油可撈飯。除了煲仔飯，點心質素都好，食材新鮮，蝦餃燒賣好味，今日試了牛肉球，估唔到咁好味，好耐未食過咁好味的牛肉球，係兒時在舊式酒樓牛肉球的味道。有罐裝太興奶茶，以罐裝奶茶來說都算好飲，不過是凍上，沒有熱奶茶。好想快啲又再去開餐

🕜又到lunch時間，在商場找吃什麼，看到「點煲」有煲仔飯，愛吃煲仔飯的我又怎會錯過，就入內光顧👇🏼豉汁鳳爪排骨煲仔飯(連燉湯)$91，每件排骨都是軟腍的，一隻大鳳爪開兩邊，是靚質素的鳳爪，飯焦香口超脆🤩，吃時對方都聽到卜卜脆之聲，還有要加不可或缺的豉油，一煲出色的煲仔飯就呈現眼前👆🏼一邊是金黃香脆的飯焦，一邊是微燶的飯焦；有豉油壺可隨意落，真好👏🏼；飯量足夠否卻因人而異，個人就足夠👇🏼柱侯蘿蔔牛腩煲配白飯(連燉湯)$78，有驚喜的牛腩煲，因大部份都是我愛吃的軟腍牛筋😋，牛腩也是易咀嚼的，蘿蔔腍而入味，吃得開心又滋味👇🏼時令燉湯，味濃，有肉、沙葛、赤小豆🫘⋯✏️總括，食物質素好，今次只吃了兩款，下次再來時，會吃其他的食品。堂食需另收加一服務費👇🏼下午茶(14:00-17:30供應)仲抵，不過煲仔飯和小菜的選擇款式有限，但以下午茶的價錢來說已不錯

今日真係唔打唔撞入左黎食飯，點知又冇驚喜喎🤭我哋叫左個2人餐$248 ，包燉湯、點心、一個小菜同一個煲仔飯。燉湯-平時既燉湯都比較清淡，呢個勁多料勁濃，岩哂我口味😋😋😋點心-蒸過火，粉果一夾就爛，燒賣同包真係普通左少少，唔係好掂！梅菜扣肉- 份量真係唔多，梅菜少左啲，味道中規中矩，味道正常！煲仔飯- 炭火燒既煲仔飯要等30分鍾，自己隨意加豉油，加豬油，個飯焦好香唔會燒燶黑晒，但飯量太少，唔夠配餸，

今日食下午茶見到有個煲仔飯加點心set幾抵點心同煲仔飯都有幾款選擇我地首推臘腸膶腸臘鴨煲仔飯佢地應該係即叫即整等咗差唔多半個鐘先有一打開已經好香仲聽到飯焦嘅聲音佢有豉油同豬油可以自行加幾多就幾多建議加完再蓋上等一陣另一款我地order咗臘腸雞煲仔飯真係好好味十分推呢款會冇咁油膩但都係又係飯焦先係重點煮得好出色真係不自覺食曬以下午茶嘅份量算係同午餐睇齊而且佢有埋點心真係算係咁總括黎講今餐算係食得飽而且以下午茶嘅價錢好抵

DINNER TIME🥢•欖角蒸游水黃骨魚黃骨魚賣相好可愛魚質好滑配埋少少豆豉清哂👏🏻•豉汁白鱔煲仔飯食得煲仔飯 一定要加蠟腸豆豉加滑鱔 加埋飯底都真係唔錯•備長炭火燒雞燒雞賣相都係靚靚仔仔皮脆肉嫩 用炭火窯燒雞用哂手套自由咁食CHILL爆而且好抵食 兩個人食剛剛好食哂•紅燒豆腐煲呢個豆腐煲份量剛剛好 豆腐勁入味加埋啲菜中和返 讚🧡總括來講 呢間可以ENCORE🧡

對於我同老公嚟講，成日都會喺唔適當嘅季節，想食唔係當造嘅嘢舊時就要捐窿捐罅先搵到唔合時令嘅嘢食，但係而家就不用了，今日我哋想食煲仔飯，去屋企附近就有點煲嚟食，非常方便！坐得冇耐我哋就決定食二人餐，包咗兩碗燉湯、一個點心拼盤、一個小菜同埋一個煲仔飯，盛惠$249。整體嚟講，味道真係唔錯，煲仔飯項目裏面有好多唔同嘅飯揀，有平有貴，所以我哋就叫左個最貴嘅窩蛋安格斯牛肉煲仔飯嗌，係真係幾好食，我一向唔太鍾意食飯焦，因為覺得痴牙同埋有陣燶味，不過佢呢個飯焦係恰到好處，金黃焦香脆口，係我對整餐飯嘅評價最高。

行完山，落屯門搵野食，發現正野，必食，有下次返啅😍#雙腸排骨煲仔飯 用長備炭煲飯，飯焦金香脆兼薄，最正是無濃底而金黃色😍，加上餐廳的特制香滑豬油撈上脆焦粒粒米飯..正到一粒飯都無淨🤣，必食再讚餐廳自家制臘腸，潤腸真好鬼香😍，不太咸，半肥適中。我怕肥都擋不住…照食😅#魚香茄子 咸魚味夠濃，茄子索晒魚香味炸菜配底，送飯一流🤤🤤#點心併盆 除左菇包，樣樣都好食，唔知點解菇包苦的🤔🤔#淮山雞燉湯 4-5舊先淮山，紅棗，雞件，不錯👍

之前試過呢度煲仔飯，真係做到有飯焦，飯乾身唔濕，依家都仲保持到水準！之前無餐，覺得唔係好抵食，依家午市有包嘢飲，先覺得make sense番啲！整體都係唔錯，朋友叫嘅黃鱔煲仔飯都好香口，值得推介

前一晚問阿Sir第二日夜晚想食咩佢話想食煲仔飯，就去左屯市嘅點煲試食因為我減緊肥，所以只係點左一個菜同一個煲仔飯🥢海味雜菜煲($89)有兩款菜，有菇，有木耳，有粉絲，有海味海味方面，魷魚較蜆肉味鮮粉絲份量都唔少🥢北菇滑雞煲仔飯($88)豉油份量自己控制，仲有豬油比你自己加落個煲仔飯到食煲仔飯最多人在意嘅相信係飯焦煲仔飯嘅飯唔錯，唔會淋，粒粒分明，飯焦亦多雞方面，我食到有雞胸，但都得一舊咁大把如果未知仲有邊到嘅煲仔飯更好味，又好想食煲仔飯嘅話，都會再黎嘅，但就只係叫煲仔飯，其他小菜就唔了💥依家佢有個限定優惠二人套餐($248，另收加一服務費)，包括有兩個燉湯，一個點心拼盤，一個小菜，一個煲仔飯，如果你地食得到多嘅，呢個優惠套餐都係一個唔錯嘅選擇

天氣凍就想食個煲仔飯見到個tea 好抵食，下午茶至到5點半，$75 有煲仔飯連個點心。我地由5點鍾開始排，見條隊有幾個人掛緊，諗住實等到入去食tea.我排左陣見冇客入去，跟住就裝下入面咩環境睇多唔多人啦。見到其實後邊起碼8張枱係吉既，心諗咩事唔放客入去。跟住5:20 先放2個人入去。直到5:27先再繼續放人入去。我地5:28坐低，都即開電話掃QR code 搵個下午茶黎撳。第一次撳係唔熟，諗住叫個staff 直接落單，但個staff 話自己掃code 落單。跟住就tea time 已過啦。問個staff 仲有冇下午茶，又話冇。咁我地成條隊講緊十幾人排左幾個字做咩呢？強調入邊係大把吉枱明明可以5半前入去食tea.排咁耐一句說話都唔同我地講，如你講句陣間入到去冇tea time ,咁我地可以選擇繼續等/唔等。你唔講，我地全部都諗住係可以有tea time .Okay, 冇下午茶，咪當比多至少三十蚊又食少個點心囉。睇下值唔值起碼一百蚊一煲呢個價囉。明既，焗多幾枱客消費多d 嘛，仲浪費埋我地排隊既半個鐘臘腸滑雞飯雞係滑，煲仔飯有飯焦，飯焦咬落好香口，成個飯係唔錯既。但其實附近茶記都做到呢個質素

📍點煲 (屯門市廣場) (屯門)屯門屯順街1號屯門市廣場1期1樓1101-1102號舖開始凍凍地，就想食個煲仔飯暖一暖個胃🥰平時呢間都多人排隊，今日早左放工唔係太多人等位就入去試一試😋😋🥢梅菜扣肉煲仔飯（另外加條臘腸）一上枱加埋煲仔飯豉油焗一焗，打開真係好香🤩🤩🤩我要加左一條臘腸，真係好夠食，底仲有飯煎，煮到剛剛好👏👏係覺得貴左小小😂

魚香茄子煲🍆鑊氣十足，完全唔辣超好食。但好多油，茄子吸晒啲油，所以一定要叫壺茶清清喉嚨臘腸雞煲仔飯雞唔算好入味，但飯焦好正點心拼盤個套餐包埋點心拼盤，有4款點心，絕對可以食到好飽套餐跟埋個湯裏面有好多料，好夠味，但都係有點油膩