Video
Read full review
2019-07-31
83 views
之前經過呢間西餐廳都只係買過甜品食，開左咁耐都未坐低嘆過。認真睇原來係煮意大利菜嘅，未食都有d expectation，因為咁啱剛去完意大利旅行，食過d好正嘅pizza 同spaghetti，心諗如果佢煮倒旅行時食倒果種味道就好啦，由其係pizza Salted Egg Yolk Black Truffle Pizza ($78)拿坡里pizza 世界馳名，呢間餐廳有信心用呢個地方名做招徠應該都有d自信。一上碟見倒個crust 嘅樣都知道有d料到，有拿坡里pizza個種薄而有煙韌度嘅感覺。不過可能原材料同烘焙方法有唔同，始終未完全做到意大利個種濕度同味道，不過已經好食過我預計嘅好多好多，我都好enjoy食呢個crust。而上面嘅材料就比較創新，係咸蛋、黑松露、芝士、黑醋同神石榴。估唔到味道又幾夾。海鮮意大利麵 ($135)跟住講吓個海鮮意大利麵。個汁用左龍蝦嘅頭去熬，第一啖已經好鮮。至於蜆肉同大蝦都食得出好新鮮，由其係個大蝦，d肉都好爽脆，冇雪藏蝦個種霉嘅口感。慢煮乳豬藜麥飯 ($95)呢個慢煮乳豬藜麥飯值得一提。首先廚師將乳豬慢煮了24小時，軟化左肉質之餘，仲令到那汁更易被肉吸收，更
之前經過呢間西餐廳都只係買過甜品食，開左咁耐都未坐低嘆過。認真睇原來係煮意大利菜嘅，未食都有d expectation，因為咁啱剛去完意大利旅行，食過d好正嘅pizza 同spaghetti，心諗如果佢煮倒旅行時食倒果種味道就好啦，由其係pizza
Salted Egg Yolk Black Truffle Pizza ($78)拿坡里pizza 世界馳名，呢間餐廳有信心用呢個地方名做招徠應該都有d自信。一上碟見倒個crust 嘅樣都知道有d料到，有拿坡里pizza個種薄而有煙韌度嘅感覺。不過可能原材料同烘焙方法有唔同，始終未完全做到意大利個種濕度同味道，不過已經好食過我預計嘅好多好多，我都好enjoy食呢個crust。而上面嘅材料就比較創新，係咸蛋、黑松露、芝士、黑醋同神石榴。估唔到味道又幾夾。
海鮮意大利麵 ($135)跟住講吓個海鮮意大利麵。個汁用左龍蝦嘅頭去熬，第一啖已經好鮮。至於蜆肉同大蝦都食得出好新鮮，由其係個大蝦，d肉都好爽脆，冇雪藏蝦個種霉嘅口感。
慢煮乳豬藜麥飯 ($95)呢個慢煮乳豬藜麥飯值得一提。首先廚師將乳豬慢煮了24小時，軟化左肉質之餘，仲令到那汁更易被肉吸收，更入味。至於車厘茄也很好吃，不會煮得太過火，有肉汁嘅精華之外亦不會無左本來嘅番茄味。
甜品方面都好豐富。有柑桔拿破崙、Tiramisu 同檸檬蛋撻。
拿破崙拿破崙賣相好吸引，睇得出有用心擺過碟。同埋用柑桔都幾有創意，不過我覺得味道始終都系傳統嘅用芒果夾d😂
Tiramisu個Tiramisu 都整得好好，特別係個餅，食得出落左好多咖啡酒浸，濕度調較得啱啱好。不過個人略嫌甜左少少，不過都應該迎合倒好多人嘅口味。
檸檬蛋撻至於個檸檬蛋撻都整得幾好，原因係佢唔太甜。佢望落似係咸點，點知係dessert，佢個蛋嘅texture 都好firm同香。
飲品方面就遜色少少。我地叫左抹茶鮮奶同Bailey's latte。 個抹茶奶太稀，唔夠抹茶味同唔夠creamy。至於個Bailey's latte, 唔係好飲倒個酒味，似焦糖咖啡多d。值得讚係個拉花整得幾靚，味道就有待改進。呢餐晩飯feel倒個廚師煮嘢好有heart，對食物有要求，仲要係何文田廣場呢d local商場食倒平民價fine dining 係難得嘅。門面雖少，但食物質素非常好，song choice都幾好，係外國歌手d pop songs。不過覺得室內設計可以花多d功夫。例如加返d窗簾/擺設，唔好全玻璃，比返d privacy 食客，同埋始終食西餐，可以裝飾得有情調一點 : )
Post
