Video
Read full review
2023-08-22
936 views
「那個」係其中一間喺大角咀比較出名嘅餐廳，經常都大排長龍，以前喺大角咀附近返工，都有食過一兩次「那個」嘅外賣，當時覺得炸嘢外賣腍咗無咁好食，但都已經係幾年前～最近去開大角咀就試一試堂食，但係講真就有啲啲失望～ 因為大部份嘅炸物都好油，食完都幾膩🥲 不過勝在分量偏大，都算抵食嘅～ 女仔可能叫少飯都未必食得晒～•🥢 那個滷香雞球便當 $73滷香雞球係台式滷排骨嘅變奏版，即係將啲雞球沾上地瓜粉之後拎去炸，炸完再滷～就咁睇整法會以為啲炸皮會腍晒，但原來都仲有少少脆👍🏼 炸皮有少少厚同少少油，整體調味有啲太鹹，要送飯一齊食～ 不過入面嘅雞肉好Juicy，而且大大嚿好厚肉，食落大滿足🤤 便當仲有幾款小菜：炒冬粉、炒椰菜、炒蛋同埋玉子燒，印象中炒蛋幾好食👍🏼但係玉子燒就唔係幾啱食，質地好實同埋味道太甜🫣•🥢 香酥排骨便當 $75呢個炸排骨真係好大塊，所以上菜嘅時候的確幾震撼～上面灑咗好多椒鹽粉，所以食落都幾鹹，真係要配飯/嘢飲先得～ 排骨嘅炸皮好似比炸雞嘅薄少少，但係炸排骨就有少少皮肉分離，同埋入面嘅肉比較薄，食落都比較乾，再加上嚿骨都幾大嚿，食落就無食炸雞球咁啖啖肉咁爽～ 所以我同朋友都一致認為炸
•
🥢 那個滷香雞球便當 $73
滷香雞球係台式滷排骨嘅變奏版，即係將啲雞球沾上地瓜粉之後拎去炸，炸完再滷～就咁睇整法會以為啲炸皮會腍晒，但原來都仲有少少脆👍🏼 炸皮有少少厚同少少油，整體調味有啲太鹹，要送飯一齊食～ 不過入面嘅雞肉好Juicy，而且大大嚿好厚肉，食落大滿足🤤
便當仲有幾款小菜：炒冬粉、炒椰菜、炒蛋同埋玉子燒，印象中炒蛋幾好食👍🏼但係玉子燒就唔係幾啱食，質地好實同埋味道太甜🫣
那個滷香雞球便當
$73
14 views
0 likes
0 comments
那個滷香雞球便當
$73
19 views
0 likes
0 comments
那個滷香雞球便當
$73
10 views
0 likes
0 comments
•
🥢 香酥排骨便當 $75
呢個炸排骨真係好大塊，所以上菜嘅時候的確幾震撼～上面灑咗好多椒鹽粉，所以食落都幾鹹，真係要配飯/嘢飲先得～ 排骨嘅炸皮好似比炸雞嘅薄少少，但係炸排骨就有少少皮肉分離，同埋入面嘅肉比較薄，食落都比較乾，再加上嚿骨都幾大嚿，食落就無食炸雞球咁啖啖肉咁爽～ 所以我同朋友都一致認為炸雞球比較好食～
香酥排骨便當
$75
18 views
0 likes
0 comments
香酥排骨便當
$75
14 views
0 likes
0 comments
•
🥢 香酥魷魚足 $68
因為真係好鍾意食炸魷魚鬚，所以就叫咗嚟試吓～ 魷魚鬚嘅炸衣同頭先食嗰兩款嘅有啲唔同，表面光滑啲同再薄身啲嘅，上面都係灑咗超多椒鹽，極重口味，而且好油，仲有啲油膱(益)味😵💫 雖然魷魚嘅份量幾多，但都不太推薦～
當晚仲有啲小插曲，第一碟嘅魷魚鬚係明顯炸到過咗龍，表面好深色仲有啲燶，我同朋友食咗一件覺得味道幾燶，所以就同侍應講，佢哋都有換另一碟畀我，不過就換成好多魷魚鬚嘅頂部，即係厚肉啲嘅部份，個人嚟講都係鍾意魷魚「鬚」多啲😬
香酥魷魚足
$68
12 views
0 likes
0 comments
香酥魷魚足
$68
9 views
0 likes
0 comments
•
🥢 愛文芒果冰茶 $36
🥢 臺南鳳梨冰茶 $36
兩款嘅茶味都不錯，但係啲水果味糖漿都有啲啲藥水味🫣下次可能飲返奶茶/純茶～
Post
