皇茶 (Closed)

「芒果芝芝」呢款飲品，驟眼睇其實唔係好知係乜，落單之前估到係芝士奶蓋芒果汁。原來「芒果芝芝」唔係普通芒果汁，而係芒果沙冰。嗰日夜晚幫襯，成功買到最後一杯「芒果芝芝」-之前飲《皇茶》都只係試無糖嘅茶，今次飲甜嘅嘢飲覺得好有驚喜。推薦「芒果芝芝」係因為沙冰口感好，啲冰唔會太硬，而係可以好順咁飲，甜度適中。-好難得有飲品店提供座位，而呢間店舖入面有幾個座位、兩張小圓枱。另外，發現舖頭仲有提供酒精類飲品。