Video
Read full review
2023-10-24
40 views
銅鑼灣呢一間燒肉One 有半價優惠，逢星期一到日，2-6pm都有半價，暫時未知優惠做到幾時，仲要免加一，好抵！所以同朋友嚟呢度食early dinner！叫左兩個套餐，加一碟肉，同兩份小食！日本宮崎A4和牛牛肩胛套餐（$228）套餐包括日本宮崎A4和牛牛肩胛(100g)，紫菜溫泉蛋飯（+$18），麵豉湯同Coco Berry 雪糕。牛肩胛是位於牛的肩部，包括肩胛骨和周圍的肉。A4和牛油花分布均勻，食落口感非常嫩滑，牛味十足，超好食！100g大約有7塊左右，厚度都唔算太薄，百幾蚊有A4和牛又有飯、湯、甜品，性價比高！同場加映叫咗日本A4和牛三角肉(50g)，三角肉位於牛的後腰部位，靠近牛臀部，單睇油脂更多，燒落去都出多啲油，食落牛脂爆滿口腔，非常嫩滑，牛味十足！我更喜歡三角肉多啲！唔使用調味品都非常之好食！大推薦A4和牛！.美國牛胸腹+美國牛板腱＋南美洲牛舌套餐（$158）套餐包括美國牛胸腹+美國牛板腱＋南美洲牛舌(250g) ，紫菜溫泉蛋飯（+$18），沙律同Coco Berry 雪糕。呢個係性價比之選，唔使$100 就有咁多嘢食，牛肉嘅質素都唔差，肉質都好嫩滑，特別推薦牛舌！.魷魚鬚
銅鑼灣呢一間燒肉One 有半價優惠，逢星期一到日，2-6pm都有半價，暫時未知優惠做到幾時，仲要免加一，好抵！所以同朋友嚟呢度食early dinner！叫左兩個套餐，加一碟肉，同兩份小食！
日本宮崎A4和牛牛肩胛套餐（$228）
套餐包括日本宮崎A4和牛牛肩胛(100g)，紫菜溫泉蛋飯（+$18），麵豉湯同Coco Berry 雪糕。
牛肩胛是位於牛的肩部，包括肩胛骨和周圍的肉。A4和牛油花分布均勻，食落口感非常嫩滑，牛味十足，超好食！100g大約有7塊左右，厚度都唔算太薄，百幾蚊有A4和牛又有飯、湯、甜品，性價比高！同場加映叫咗日本A4和牛三角肉(50g)，
三角肉位於牛的後腰部位，靠近牛臀部，單睇油脂更多，燒落去都出多啲油，食落牛脂爆滿口腔，非常嫩滑，牛味十足！我更喜歡三角肉多啲！唔使用調味品都非常之好食！大推薦A4和牛！.
美國牛胸腹+美國牛板腱＋南美洲牛舌套餐（$158）
套餐包括美國牛胸腹+美國牛板腱＋南美洲牛舌(250g) ，紫菜溫泉蛋飯（+$18），沙律同Coco Berry 雪糕。呢個係性價比之選，唔使$100 就有咁多嘢食，牛肉嘅質素都唔差，肉質都好嫩滑，特別推薦牛舌！
.
魷魚鬚天婦羅（$28）
魷魚鬚被海苔炸粉包裹住，魷魚彈牙，食落有好香海苔味，可以配上沙律醬同埋七味粉。
.
味淋魚乾（$28）
用烤爐燒魚乾，魚油因加熱後逼出嚟，燒到好香，好食！推薦～
.
欣賞呢間餐廳喺餐枱上比好多嘅調味品俾食客使用，仲配上說明書講解唔同調味料嘅用法！
我5:40pm到嘅時候已經非常之爆滿，外面仲有人排隊，可見餐廳人氣！趁仲有半價優惠，快啲嚟試吓！會再番去食！
Post
