美心皇宮 (Closed)

細細個食既車仔點心大個左唔多飲茶既我見番都幾親切有回憶既食物特別好味依到真係有皇宮感覺高高既樓底有好多華麗既水晶燈金碧輝煌但又有懷舊點心車眼光追住車頭既食物牌再叫自己想食既好有滿足感好快就放到成枱都係都係例牌野有豉汁鳳爪，帶子餃，馬拉糕雞包，蓮蓉包金錢肚，腐皮卷家鄉炒米粉最後要個薑汁雙皮奶作結 美心皇宮就算唔好食都有品質保證可以話樣樣都唔太差要特別比意見既係馬拉糕對古法既黑糖深色馬拉糕有情意結見到必叫。今次稍為失望一黎佢果件唔夠熱。上枱冇蒸氣出係差點感覺而且發得唔夠大件同鬆軟入面氣孔唔夠味道就係岩岩好唔太甜依加好多食肆既甜點都會比以前少甜應該係近年香港人越黎越注重健康既關係包類都唔多掂又係唔夠熱辣辣細細個但個皮好鬼厚又係令到佢實繃繃入面既材料又唔係特別出色有個幾新穎既腐皮卷有幾層。入面夾住豬肉馬蹄味道清淡但勝在夠新鮮彈牙可以一試炒米粉一上枱就聞到好香炒得乾身分明個人覺得可以多番獲氣會好食好多調味唔夠濃可以更惹味用料就普通唔算多 雙皮奶鐘意佢啖啖都有薑味再濃烈些會更好主角既奶味唔重亦唔夠滑。可以一讚既係凝固得唔錯唔會過杰或水旺旺但食多幾啖之後就有些口乾同事就話係有水準係咪我要求太高呢？整