Burger Joys (士丹利街) (Closed)

的而且確burger呢d高脂肪係會令人開心:’D 見近水樓台就同左同事去食Burger Joys，我同佢表示開心：D 望一望餐牌，原來Lunch set係抵食好多，有野飲有包又有勁多小食揀，圖如下，自己睇啦～唔食薯條，咪食蕃薯條，都唔食呀，咁洋蔥圈啦。🐖🐖🐖 包方面呢，我就做過research魚柳包係最好食，果然冇錯！魚柳香脆之餘極之厚肉，係同麥記完全係兩個層次：0）個麵包偏厚身，特別鬆軟而且帶有牛油香，配上新鮮生菜同酸酸地既蕃茄，中和左點油膩感。值得讚係個包唔會因為蔬菜出水而變得濕，食到尾都係保持乾身。至於同事就揀左芝士牛肉，見塊牛唔算厚，佢話都幾好食的。佢仲飲左cookies & cream milkshake 🐖🐖感覺好邪惡小食方面就揀左蕃薯條仲有洋蔥圈，兩樣都好食！蕃薯條脆口偏幼身，好香甜，最鐘意點茄汁食，加埋酸酸甜甜就會忍唔住食多。洋蔥圈大大圈，洋蔥已熟透，唔會有生味或者辣味，不錯的！我地坐吧枱幫下街，雖然冇景，但係坐係度都幾方便傾計。順利lunch chill 1 chill，得咗。