Video
Read full review
2019-09-20
513 views
同女朋友平日晚餐去食韓燒。由入坐到走果一刻餐廳都未曾坐滿過，唔使等位真係好爽 。未叫嘢食已經上沙律同前菜。沙律上面有個紅蘿蔔笑哈哈，同四款前菜一樣，整體味道不過不失。附送生菜同辣椒蒜頭可以同啲肉夾住食，減低油膩感。仲有豉油，大醬同鹽俾你自己加。可能個火太細，食咗一個半鐘果條蛋先至熟，粟米芝士都要差唔多一個鐘先至溶曬。不過好處就係啲肉會無咁易燶。夢幻特級牛肋骨($288)充滿肉汁，肉質軟淋，值得推介。店員見我哋剪到雞手鴨腳主動幫我哋切開啲肉，好細心。韓牛貝身肉($220)超多脂肪，一咬落去牛脂爆曬出嚟，有點太過油膩。厚切上等鹽烤牛舌($128)好夠厚，牛脷爽身，一定唔係平價貨，但唔好燒太熟，會好韌。石頭鍋飯｛什錦｝($118)有齊牛豬雞肉，仲有雜菜，分量好多，起碼有五碗飯。石頭鍋夠熱，有好多飯焦，超好味。
未叫嘢食已經上沙律同前菜。沙律上面有個紅蘿蔔笑哈哈，同四款前菜一樣，整體味道不過不失。
附送生菜同辣椒蒜頭可以同啲肉夾住食，減低油膩感。仲有豉油，大醬同鹽俾你自己加。
可能個火太細，食咗一個半鐘果條蛋先至熟，粟米芝士都要差唔多一個鐘先至溶曬。不過好處就係啲肉會無咁易燶。
夢幻特級牛肋骨($288)
充滿肉汁，肉質軟淋，值得推介。店員見我哋剪到雞手鴨腳主動幫我哋切開啲肉，好細心。
韓牛貝身肉($220)
超多脂肪，一咬落去牛脂爆曬出嚟，有點太過油膩。
厚切上等鹽烤牛舌($128)
好夠厚，牛脷爽身，一定唔係平價貨，但唔好燒太熟，會好韌。
石頭鍋飯｛什錦｝($118)
有齊牛豬雞肉，仲有雜菜，分量好多，起碼有五碗飯。石頭鍋夠熱，有好多飯焦，超好味。
Post
