Video
Read full review
2018-07-22
694 views
同朋友去完書展出返灣仔食晏，好耐無食all day breakfast就去解下引。餐廳光猛，坐椅舒適，餐牌全英文，店員只懂英語。餐牌超多選擇，奄列，班尼迪克蛋，西多士，三文治，班戟，全日早餐。跟住仲要揀隻蛋點煮，麵包，飲品同配菜。總有一款配搭啱你心水~我地叫咗兩個餐分享。Californian Omelette ($99) with Wheat Toast, 雜果，烤蕃茄。奄列裡面有蝦，牛油果同忌廉芝士。足料。蝦新鮮，牛油果熟成度剛剛好。食物完全無落調味，枱上調味架有鹽，胡椒，黑椒，辣椒仔同茄汁可自行選擇。多士已烘底同加埋牛油，脆身夠熱。蕃茄輕微烤過，不過不失。Moscow Omelette($99) with English Muffin, 薯仔，田園沙律。奄列裡面有煙三文魚，蕃茄同忌廉芝士。足料。煙三文治魚已經有咸味，配埋其他食材味道剛剛好。English muffin即係豬柳蛋漢堡塊包，佢烘到脆卜卜，加埋牛油原來可以咁好食。薯仔切片煎過，不過不失。沙律菜平平無奇。飲品要咗Blueberry Milkshake with cream(跟餐+$30)同跟餐細橙汁。細果汁真係好細，好彩
餐廳光猛，坐椅舒適，餐牌全英文，店員只懂英語。餐牌超多選擇，奄列，班尼迪克蛋，西多士，三文治，班戟，全日早餐。跟住仲要揀隻蛋點煮，麵包，飲品同配菜。總有一款配搭啱你心水~
我地叫咗兩個餐分享。Californian Omelette ($99) with Wheat Toast, 雜果，烤蕃茄。
奄列裡面有蝦，牛油果同忌廉芝士。足料。蝦新鮮，牛油果熟成度剛剛好。食物完全無落調味，枱上調味架有鹽，胡椒，黑椒，辣椒仔同茄汁可自行選擇。多士已烘底同加埋牛油，脆身夠熱。蕃茄輕微烤過，不過不失。
Moscow Omelette($99) with English Muffin, 薯仔，田園沙律。
奄列裡面有煙三文魚，蕃茄同忌廉芝士。足料。煙三文治魚已經有咸味，配埋其他食材味道剛剛好。English muffin即係豬柳蛋漢堡塊包，佢烘到脆卜卜，加埋牛油原來可以咁好食。薯仔切片煎過，不過不失。沙律菜平平無奇。
飲品要咗Blueberry Milkshake with cream(跟餐+$30)同跟餐細橙汁。細果汁真係好細，好彩餐廳都會提供水。藍莓奶昔好飲，唔會太甜又有果肉。
總結係，食物味道雖然唔會有驚喜，但可以咁度身訂造嘅套餐邊度搵?
Post
