金陶軒 (Closed)

由於師妹離別在即, 為表孝心決定提前慶祝父親節, 於是乎師傅揀左呢間食店, 順便帶師妹黎呢度一試, 於是乎一早訂定位, 一行四人準時開餐!一坐底大家商量下食咩先, 最後決定要個招牌菜儷影紅紗卷, 燒味拼盆, 蝦醬炒通菜, 香杧炒雙柳, 蒜蓉粉絲蒸蚌(唔記得係咩蚌)再加個例湯! 先講個儷影紅紗卷, 係用越南米紙包住塊牛肉, 做到成個號角咁樣, 然後再將一個混入牛肉粒醬汁夾埋黎食, 賣相一流, 而味道十分出色, 個醬汁係辣辣地勁惹味; 燒味拼盆淨係要左叉燒拼燒肉, 叉燒燒得好香, 半肥瘦適中, 肉質好鬆, 不過就口感幾假, 肯定落左好多鬆肉粉, 唔似叉燒, 唔好味; 而燒肉個皮唔算好脆, 不過就勁彈牙, 咬口麻麻, 一般啦; 蝦醬炒通菜嘅通菜好嫩綠, 但係蝦醬份量過多, 所以偏咸; 香杧炒雙柳嘅杧果都幾甜, 而雙柳係牛柳同雞柳, 味道都幾好, 唔差; 蒜蓉粉絲蒸蚌嘅蒜蓉係勁好香, 好吸引好好味, 粉絲份量不多不少, 連埋d蒜蓉同豉汁一齊食係勁正, 蚌就好鮮, 口感一流, 好正; 例湯就要左青紅蘿蔔湯, 湯底好清好甜, 冇味精, 好正呀!總括而言食物質素都頗好, 係叉燒水準最唔合格, 服務殷