Video
Read full review
2020-05-11
1199 views
母親節係點都要慶祝既！不過疫症當前都係要少去人多擠逼既地方所以提早食 亦都去個多數揸車/搭的士先去既地方錦田既天空之城( ´▽｀)跟住導航既指示 其實佢係公路忽然屈入去既地點開始左日長夜短既日子 七點都仲好光門面右邊係紐西蘭燒春雞近睇其實都燒得幾靚( ´▽｀)Book左枱 聽電話嗰陣有得比我揀坐上面定下面下面就係咁既樣 話坐下面可以帶狗狗黎( ´▽｀)一聽就諗住會係露天 冇冷氣 會又熱又多蚊但原來因為冇天花 所以用坐地冷氣咁應該都唔會好熱好辛苦行完圖底大概三秒長既樓梯就到左上面呢個係上面 感覺即刻別緻左( ´▽｀)個設計有啲似溫室 細細間 全個上面大概8張枱距離一定足一點五米 唔會好迫七點半前 上面就只有我地一枱啊！呢道係室內 有冷氣( ´▽｀)之後就開始睇menu員工話menu會轉 但燒春雞同咸豬手一定唔轉係招牌菜( ´▽｀) 所以即刻嗌左等待既期間 有隻著白襪既小朋友入黎望下我地Side board都刻意用返木tone上面同下面係感覺好唔同會比人感覺下面主要係bbq 上面會主要食西餐好啦而家入正題講野食餐跟既蒜蓉包先來 好脆。。 有啲神奇 因為佢其實唔熱但唔會出現脫水好硬既情況甚至
不過疫症當前都係要少去人多擠逼既地方
所以提早食 亦都去個多數揸車/搭的士先去既地方
錦田既天空之城( ´▽｀)
跟住導航既指示 其實佢係公路忽然屈入去既地點
開始左日長夜短既日子 七點都仲好光
門面右邊係紐西蘭燒春雞
近睇其實都燒得幾靚( ´▽｀)
Book左枱
聽電話嗰陣有得比我揀坐上面定下面
下面就係咁既樣
話坐下面可以帶狗狗黎( ´▽｀)
一聽就諗住會係露天 冇冷氣
會又熱又多蚊
但原來因為冇天花 所以用坐地冷氣
咁應該都唔會好熱好辛苦
行完圖底大概三秒長既樓梯就到左上面
呢個係上面 感覺即刻別緻左( ´▽｀)
個設計有啲似溫室 細細間
全個上面大概8張枱
距離一定足一點五米 唔會好迫
七點半前 上面就只有我地一枱
啊！呢道係室內 有冷氣( ´▽｀)
之後就開始睇menu
員工話menu會轉 但燒春雞同咸豬手一定唔轉
係招牌菜( ´▽｀) 所以即刻嗌左
等待既期間 有隻著白襪既小朋友入黎望下我地
Side board都刻意用返木tone
上面同下面係感覺好唔同
會比人感覺下面主要係bbq 上面會主要食西餐
好啦而家入正題講野食
餐跟既蒜蓉包先來
好脆。。 有啲神奇 因為佢其實唔熱
但唔會出現脫水好硬既情況
甚至係點湯都唔會減少個脆既口感
有種放大版既蒜蓉包零食咁( ´▽｀)
餐湯揀左白湯 碗邊冇抹
拎起嚇一嚇 碗同碟都非常之輕( ´▽｀)
可能唔係主力做西餐
其實都合理 餐廳唔係行fine dining 路線
係平民餐廳 休閑風 唔受形式所規限
所以嗌左份沙嗲雞豬串燒
。。略乾 食落雞同豬都乾
雖然食串燒同豬手 不過都冇嗌啤酒
平日就係第二日要返工既日子
何況我地仲係揸車入去
講係咁講 個risotto 擺盤又忽然好認真( ´▽｀)
佢寫係菇釀意大利飯
我本來諗住上碟係 個飯釀喺菇入面
不過咁樣可能賣相係會吸引啲
應該個飯係撈芝士 但全個飯都好淡
蝦冇鮮味 菇都冇乜菇味
不過可能唔係佢地主打既菜式
然後就係主打既咸豬手
配左薯角同沙律 加bbq汁
配角黎講 菜都算靚仔既 冇見到有爛菜梅菜
配左少少黑醋 睇唔到 但食落係有少少酸味
薯角偏軟 都唔夠熱
但話哂都係主打( ´▽｀)
主角既豬手都係出色既
肉唔韌 都唔鞋 唔乾 但皮就都keep到脆口
唔會過咸 如果中意重口味既加埋個sauce 都ok既
整體黎講係唔錯既
之後係另一個主打燒春雞
侍應一開始有好心提醒要等得比較耐
所以要一早就叫定
就係一開始門口見到既嗰啲雞
Sauce 係on side 既 揀左蘋果肉桂同蒜蓉香草
哇隻雞真係好出色
先講外表 不過我手機廢
影唔出佢隻雞隻色燒得都好均勻
上枱都熱辣辣既 切開唔算好多雞汁
但食嗰陣就發現啲肉汁係鎖返喺隻雞度
咬落一啲都唔乾 就咁食都ok
蒜蓉香草偏咸 蘋果會比較夾
酸酸甜甜食落又係另一種風味
但係夾既 都係好食既
再來叫多左個盲鰽魚
呢道廚房對肉既處理都唔錯
唔落檸檬都其實唔腥
今次就跟左個 caesar 醬同一包茄汁
其實都唔太分到係配啲咩
但就咁食個魚其實整得好juicy
唔會過熟 都唔會一食就爛哂咁
係唔錯既
最後員工都友善既 見我地枱面多野
幫我地再加多左張枱
又主動過黎幫我地影相
西餐黎講又唔貴喎
Post
