Video
Read full review
2011-05-09
36 views
2月28日, 今日天氣好到好似夏天咁~ 呀比同呀菲一於請假一天遊赤柱! 整條海邊大街都開滿晒充滿格調嘅西餐廳, 大部份都供應緊一份份主菜加餐飲嘅set lunch. 我地行到嚟Seafront, 呢度嘅環境裝修比其他餐廳較簡約, 不過我地見d set都幾啱食, 就入咗去開餐喇~::: Smoked Salmon Salad + Grapefruit Juice ::: $108煙三文魚沙律賣相色彩繽紛, 十分大碟! 五塊煙三文魚鹹鮮肉滑, 沙律雜菜新鮮爽脆, 仲有紅洋蔥、蘿蔔絲同橄欖, 伴以沙律醋汁本應清新開胃~ 不過醋汁過多以致浸住嘅沙律菜有d酸過頭… 食晒都真係幾飽.西柚汁唔係鮮榨, 都係有d化學味, 只係夠冰凍!::: Salami Pizza + Iced Lemon Tea ::: $108Pizza即叫即焗, 難食極有限! 呢個pizza size唔大, 大概7寸, 屬於薄批, 餅底幾香脆~ 材料雖然只有番茄醬、芝士同salami, 但因為新鮮焗起, 芝味香濃, 簡簡單單已經好好食!凍檸茶有檸味但係茶味唔夠, 喺咁熱嘅天氣亦都唔係好夠凍, d冰融得好快…睇番d食評都話佢se
::: Smoked Salmon Salad + Grapefruit Juice ::: $108
煙三文魚沙律賣相色彩繽紛, 十分大碟! 五塊煙三文魚鹹鮮肉滑, 沙律雜菜新鮮爽脆, 仲有紅洋蔥、蘿蔔絲同橄欖, 伴以沙律醋汁本應清新開胃~ 不過醋汁過多以致浸住嘅沙律菜有d酸過頭… 食晒都真係幾飽.
西柚汁唔係鮮榨, 都係有d化學味, 只係夠冰凍!
::: Salami Pizza + Iced Lemon Tea ::: $108
Pizza即叫即焗, 難食極有限! 呢個pizza size唔大, 大概7寸, 屬於薄批, 餅底幾香脆~ 材料雖然只有番茄醬、芝士同salami, 但因為新鮮焗起, 芝味香濃, 簡簡單單已經好好食!
凍檸茶有檸味但係茶味唔夠, 喺咁熱嘅天氣亦都唔係好夠凍, d冰融得好快…
睇番d食評都話佢service差, 我地又唔多覺wor~ 係咁叫個waitress斟水拎碟比我地佢都笑笑口! 講真論環境同食物佢都唔算突出, 但面對著比太陽照得金光閃閃嘅大海, 呢份寫意情懷又確實係幾嘆~
Post
