Video
Read full review
2013-05-12
342 views
尋日(11-5-2013 Sat)朝早打電話畀前公司o既外判清潔姐姐WYP,約佢出o黎畀o野佢,順便同佢食lunch,佢肯要我o既o野但叫我唔好請佢食齋,因為貴.一係坐低飲杯o野就得.啊,咁茶餐廳啦,一樣有o野o岩食齋o既人,我上佢屋企畀o左o野佢後,就一齊搵o野食,由於佢行動不便,而且從不出街食飯,就睇吓佢呢頭有冇茶餐廳,我o地邊行邊搵,見到呢間咁新潮o既,驚冇西多士,就睇吓先,好彩都有,不過冇我想食o既紅豆冰,算啦,唔好再要佢行,就入去啦.入到去應該係12:18pm左右,算多人但仍好彩都重有卡位,我o地坐低後,見到有柑桔話梅,問WYP飲唔飲?佢答好.再揭揭,有$22.00o既草莓益力多冰沙,又問佢飲唔飲得?佢答飲得.我問要呢個好冇?佢答冇所謂.咁叫呢個畀佢啦.我自己就要$22.00o既Tiramisu沙冰,要$19.00o既一口西多士.2分鐘後,草莓益力多冰沙到o黎,我影好相就畀佢飲,佢一飲大讚好味,草莓好香濃,但仍飲到益力多味,又唔太甜.佢o岩飲就好喇.過多4分鐘,我o既Tiramisu沙冰到o黎,有支餅乾條o既?我影好相就畀佢食,佢話係咖啡味.我飲落去只飲到淡淡o既咖啡味同唔太
啊,咁茶餐廳啦,一樣有o野o岩食齋o既人,我上佢屋企畀o左o野佢後,就一齊搵o野食,由於佢行動不便,而且從不出街食飯,就睇吓佢呢頭有冇茶餐廳,我o地邊行邊搵,見到呢間咁新潮o既,驚冇西多士,就睇吓先,好彩都有,不過冇我想食o既紅豆冰,算啦,唔好再要佢行,就入去啦.
入到去應該係12:18pm左右,算多人但仍好彩都重有卡位,我o地坐低後,見到有柑桔話梅,問WYP飲唔飲?佢答好.再揭揭,有$22.00o既草莓益力多冰沙,又問佢飲唔飲得?佢答飲得.我問要呢個好冇?佢答冇所謂.咁叫呢個畀佢啦.
我自己就要$22.00o既Tiramisu沙冰,要$19.00o既一口西多士.
2分鐘後,草莓益力多冰沙到o黎,
我影好相就畀佢飲,佢一飲大讚好味,草莓好香濃,但仍飲到益力多味,又唔太甜.佢o岩飲就好喇.過多4分鐘,我o既Tiramisu沙冰到o黎,
有支餅乾條o既?我影好相就畀佢食,佢話係咖啡味.我飲落去只飲到淡淡o既咖啡味同唔太甜,沙冰竟然太實,爭啲啜唔到,而少少o既朱古力漿起唔到咩o野作用.
再等5分鐘,一口西多士到o黎,
果然要用10-15分鐘o黎做.呢個熱騰騰o既,同普通茶餐廳o既分別係,佢o地切好晒至炸,同埋已經加埋糖漿,唔使自己加,而牛油就只畀少少同擺埋一邊,唔係WYP話我知我都唔記得應該有牛油.
我叫WYP都食啲,從未食過港式o野o既佢問其實係咩o黎?我答係將花生醬塗o係麵包o度,再沾蛋漿炸,然後加糖漿同牛油食.咁佢就食得,佢試一件大讚好食,佢話今日自己試吓整畀個女食.我都食喇,佢花生醬塗得適中,蛋漿亦o岩o岩好唔太厚,都唔錯,只係牛油太少,糖漿過多.
我o地食吓傾吓咁,坐到差唔多1:30pm至走,不過第一輪食客食完走晒,第二輪就唔係咁多人喇.
環境:
雖然坐卡位,但啲凳都係木凳,而且枱同凳之間o既空間亦唔係好夠.
價錢:
雖然o衣o家食材同人工貴o左,但我覺得仍可以平啲.
Post
