真秘鍋 (Closed)

就快到中秋，梗係要同屋企人食餐好。屋企越來越多人，當然要選一個裝修靚又坐得舒服的，於是便到了這裡打邊爐。來到呢度，職員見我哋咁多人，話俾間 VIP 房我哋，真係好貼心呀～ 坐好之後，我哋點咗多款湯底，令我最難忘的一定係濃味龍蝦湯底和麻辣拼花膠雞，前者鮮味突出，後者辣得很爽。我們一邊飲住湯，一邊 d 食材陸續上枱。最先來到的是手工丸拼盤，排得整整齊齊，咬落鮮味彈牙。再來個牛拼盤，以五種不同的部位組成，當中仲要有和牛，仲要整到一朵朵花咁，入口即化有，有咬口的都有，真係夠足料，迎合不同人的口味。因為大家食牛唔多夠喉，所以來個限量手切牛。想必大家太餓了，來不及讓職員介紹已經係咁十下十下，不過份量夠，油花分布均勻，食起來帶鮮爽，食完一盤又一盤。我們還點了其他食物，大家都食得好飽，仲食到 Lam Lam 脷。